چهارشنبه ۹ فروردین ۱۳۹۶ | 2017 Wednesday 29 March        |         آسا = آذربایجان سر ایران

متن خبر :

فال نامه هفتگی ترکی:

هفته‌لیک فالینیز

آسانیوز/آغلارگولر (قوچ ، فروردین)/: بو هفته اورتاق مال‌لارلا باغلی سورون‌لار چوخ شدت‌له ایرلی گئده‌جک. بوآرادا کسین‌لیک‌له اینجیک‌لیک ده اولار. بیرطرفدن ده چوخ گزیب- دولانیب، دینجلمه‌یه احتیاجیز وار. هفته‌نین ایلک گونلری چوخ آییق اولون، بؤیوک‌لره قارشی حؤرمتله یاناشین، افسر پلیس لازم گؤرسه جریمه یازاجاق، کوبود داورانمایین. آرادا اولان اختلاف‌لار ادب ایله قالدیریلسا یاخجی دیر. دوزگون اوتوروب دوشونون، بو ایلیشگی‌یه دوام ائدیم یایوخ؟!

هفته‌لیک فالینیز
آذر ۰۲
۱۱:۴۶ ۱۳۹۵

گولن‌آی (بوغا ،  اردیبهشت):
بو هفته دینجلمه‌یی داها چوخ دوشونورسوز. ایندی بیری‌لریندن یاردیم ایسته‌مک اوچون چوخ اویغون زمان‌دیر. بو یاردیم مالی و وام دا اولا بیلر. ایلیشگی‌لریز سئوگی، لطلفت و هیجان‌لار ایله دولو دور. هفته‌نین ایلک گونلری سیاسی، مذهبی مسئله‌لرده سورونلار یارانا بیلر. آنسیزین سفر برنامه‌لری اؤنوزه گله بیلر. بوهفته‌نین ایلکینده قضاوقدر اوز وئره بیلر، آییق- ساییق اولون. قیسقانج، باشقالارین آردیجا سؤز دانیشماق و صبیرسیزلیک‌دن ساخینین.

قیزاران آی (ائکیزلر ، خرداد):
دوزنلی، تیتیز و ایده‌آل اولماغا ماراقلی‌سیز. بیلیسیزکی، هرزادین کامل اولماغی ممکن دئییل. آنجاق گؤزللیک و سلیقه- سهمانلا هامینین آغزین آچیق قویماق چوخ سئویندیریجی دیر. حیات یولداشیز و یاخین آرخاداشلاریزلا ایلیشگی‌لریز چوخ ایستی و صمیمی دیر. هفته نین ایلک گونلری باشقالاری ایله آرادا اولان هر بیر موضوع اوزره چوخ چیرکین اولای‌لار و سورونلار یاراناجاق آییق اولون. بیر سؤز دئمه‌یین سونرا پئشمانچیلیغین چکه‌سیز. «من،من» دئمکدن ساخینین. خلقین دوشونجه‌لری ایله ایشیز اولماسین.

قوراپیشیرن (یئنگج ،  تیر):
سیزه سئویملی بیر هفته باشلاییب. قوناقلیقلارا گئدیب، خوش اولون. گزین، دولانین، رستورانلاردا یئمک یئیین، بیر کلمه‌ده کئفه باخین. استعدادلاریزی چیچک‌لندیرمکده الیزدن گلنی اسیرگه‌مه‌یین. امکداشلاریز ایله ایلیشگی‌لریز یاخشی، ایش سفرلریز اولوملو دور. هفته‌نین ایلک گونلری حیات یولداشیز و یا آرخاداشلاریزین بیری ایله سورونلار یارانا بیلر، های- کوی سالماق یئرینه، بیرآز دوزوملو اولساز بو هفته‌نین دادی داماغیزدا خوش قالار.

قویروق دوغان (آسلان ، مرداد):
بیرطرفدن ائو و عائله ایچینده اولماقداسیز، اوبیری طرفدن قوناقلیقلار و توپلومدا اولماغا جان آتیرسیز. بونلارا باخمایاراق هفته سونلاری تارتیشمالار اولاجاق. بو تارتیشمالار سیزه ایش یئریزده و امکداشلاریزلا اولاجاق. بو اینجیکلیک‌لر سیزین عمومی ساغلاملیغیزی تهلوکه‌یه سالا بیلر. ایش یئرینده اوز وئرن اولای لاردا اؤزوزدن موغایات اولون. دئپرس اولمایین گئچمیشدن ایندی‌یه کیمی چکدییز زحمت‌لرین جوابین آلاجاقسیز.

زومار (باشاق ،  شهریور):
سیزده یاشامین حیزی ایله حیزلانیرسیز. ایش ماموریت‌لری، یازیب- اوخوماق، دئییب- دانیشماق و… سیز آماجلی اولوب او آماجلارا یئتیشمه‌یه چالیشماغی سئورسیز. ائوده ده دوروم سیز ایستیین کیمی دیر. ملک قونوسوندا اؤنوزه گلن اولای لاری قارشیلاییب، آردین توتون. هفته سونلاری دؤزوملو اولون. اینجیک اولماغیزا گرک یوخدور، اگر اینجه و محبت‌لی داورانساز اونلار دا سیزه بئله اولاجاقلار. کوسولولرین باریشماق زمانی آرتیق چاتیب.

خزل (ترازی ،  مهر):
دارایی‌لریزین حسابی الیزده اولسون. بونو بیلمک قدرتیزی چوخالدار. کهلیک کیمی باشیزی قارا قویلویوب، گئرچک‌لردن قاچیرسیز. گئرچک‌لر قورخمالی دا اولسا، یئنه ده یالاندان یاخشی دیر. دویغولار و منطقین آراسیندا چاش- باش قالیبسیز،اما اؤزوز دوز سونوجا یئتیشه‌جکسیز. بو هفته ایلیشگی‌لریز خوش اولاجاق. هفته‌نین ایلک گونلری بیر اولای‌لار ائو محیطینی بیرآز گرگین ائده‌جک، خیریم- خیردا وسایل خراب اولا بیلر، آنجاق بونلارین هامیسی خئیره ختم اولاجاق، نگران اولمایین.

قیروو (عقرب ، آبان):
هله شانس خطینین اوستونده سیز. ایلیشگی قورماقدا اؤنجول اولورسوز. اؤزوز یا دا یاخینلاریزا قیزیل، جواهرات آلاجاقسیز. گلیرلریزی آرتیرماغا یئنی یول‌لار تاپاجاقسیز. هفته‌نین ایلک گونلری،  هامی‌کیمی سیزده اولای‌لارا احتیاط‌لی اولون. تله‌سکن و دقت‌سیز اولمایین. تئز- تئز یئنی ایلیشگی‌لرین باشلاماق آدامی پیس اؤرگدر. اولومسوز دوشونجه‌لره یول وئرمه‌یین، هرزاد اوزو یولوندا.

آزر(یای ، آذر):
اؤزوزه گؤزل پالتارلار آلیب، آینا قاباغیندا باخیب، لذت آپاریرسیز. سیزلردن چوخو بو هفته گیزلی- گیزلی مطالعه، آراشدیرماق و یارادیجیلیغی دوشونورلر. هفته‌نین ایلک گونلری پول قونوسوندا یارانان تارتیشمالارا سویوق قانلی اولون. تارتیشمالارین هامیسینا رغمن، سیز هامینین گؤزونده یاخشی گؤرونه‌جکسیز. کینه‌لی اولمایین، کینه اوره‌یی برکیدر. بیرآز گذشت ائله‌مک هرزادی دوزلدر.

چیلله (اوغلاق ، دی):
بو هفته اؤنلو و سئویملی سیز. گنج‌لر ایله اوتوروب- دورماقدان لذت آپاراجاقسیز. باشقالارین اؤنرلرینی جان و کؤنول‌دن ائشیده‌جکسیز. بوآرادا بیر گیزلین، رمانتیک ایلیشگی ده وار. همده اؤز یاشیدلاریزدان بیری ایله یوخ! نه ائده بیلرسیز؟ سیزین گنج‌لیک چاغلاریز اولقون گئچسه‌ده، یاشیز اؤتدوکجه بیر گنج کیمی گؤرونورسوز! هفته ایلکینین آنلاشمازلیقلارینا آرام و صبیرلی داورانین. طاماحکار اولمایین. طاماحکار آدام تئز آلدانار.

دوندوران (قووا ، بهمن):
سیز او قدر عاغیللی و گوجلو گؤزوکورسوز کی، هامی سیزی دینله‌مک ایستییر. هامی سیزی دؤره‌لییب، سیزی سئومک شعاری وئره‌جک، آنجاق آداملارین ایشی شعار وئرمک دیر، اونلارا چوخ اینانمایین. هفته‌نین ایلک گونلری چتین بیر آچمازدا قالاجاقسیز، بو دورومدان ناراضی‌لیق ائتمیرسیز کی، اولمویا صبیرسیز گؤرونه‌سیز؟ یوخ سیز قایالار آغیرلیقدا چتینلیکده سیز، داها عدالت ایله ایرلی‌لمک زمانی چاتیب. ایدمانا باشلایین، یئنی یولداشلار ایله تانیش اولون و داها یاشامیزی دوشونون.

بایرام (بالیقلار،  اسفند):
دئییشیک یاراتماق ماراغی، سیزی گزیب- دولانیب، اوخویوب- اؤیرنمه‌یه یؤنلدیر. نه اولار؟ یئری گلمیش قدر ایسته‌دیگیز یئرلره گئده بیلرسیز. بو هفته بیر کسین سیزین له ایشی یوخدور. اؤزوزدن هم یاشدا بؤیوک، همده مالی دورومدا اوستون بیر کس ایله تانیشلیغیز اولاجاق. هفته‌نین ایلک گونلرینده اولان بحث‌لری دوزوم ایله گئچیردین گئتسین. بوتون چتینلیک‌لر قورتولور، سیز یوخوسوزلوقلاریزی جیران ائلییب، جسمی دوروموزو دوشونون، داها هر زاد اؤزو دوزه‌لر.

حاضیرلایان : ر . رعنا

۰ دیدگاه

هیچ دیدگاهی نوشته نشده است.

دوست دارید دیدگاه خودتون رو به اشتراک بزارید؟

نوشتن دیدگاه

نوشتن دیدگاه

آدرس ایمیل شما منتشر نمیشود.
لطفا با دقت پر کنید. *