دوشنبه ۳ اردیبهشت ۱۳۹۷ | 2018 Monday 23 April        |         آسا = آذربایجان سر ایران

متن خبر :

تبریز شهر شوراسی‌نین 51-نجی توپلانتی‌سیندا فرج محمد قلیزاده-نین صحبت‌لریندن:

عمرانی پروژه‌لرده، اساسلی آسفالت ایله لکه توتوب یاماق سالماق ایش‌لرینین آیری توتولماسینی اؤنریرم

آساخبر: تبریز شهر شوراسی‌نین 51-نجی توپلانتی‌سیندا فرج محمد قلیزاده-نین صحبت‌لریندن: عمرانی پروژه‌لرده، اساسلی آسفالت ایله لکه توتوب یاماق سالماق ایش‌لرینین آیری توتولماسینی اؤنریرم (پیشنهاد ائلیرم).

عمرانی پروژه‌لرده، اساسلی آسفالت ایله لکه توتوب یاماق سالماق ایش‌لرینین آیری توتولماسینی اؤنریرم
فروردین ۲۸
۰۹:۰۰ ۱۳۹۷

عضو شورای شهر تبریز، فرج قلیزاده

آسفالت سالما پروژه‌لری اوچون آناکئچیدلر (معابر اصلی) مشخص اولاراق قئید اولونمالی دیر کی، شهر شوراسی فایدالی نظارت ائده بیلسینلر.

🔸تبریزین بؤیوک پارکی-نین تملک ائتمه‌سی خصوصوندا، بونو بیلمه‌لی‌ییک کی، ۱۵ میلیارد تومن ایله ائله بیر اساسلی ایش گؤروله بیلمز.
🔸بودجه بؤلومونده مختلف ابهام‌لار وار، بونلار گرک آچیقلانسین.

🔸شهر شوراسی‌نین یئنی یئری‌نین آلینماسی یا دا تیکدیریلمه‌سی گرک بو مدنی قورولوشون شانینه گؤره اولسون. تبریزده ایندیلیک بئله بیر یئر اولمادیغینا گؤره شهرداری اونون تیکدیرمه‌سینه باشلامالی دیر.

🔸صاحب آباد پروژه‌سی‌نین جانلاندیریلماسی چوخ اهمیتلی دیر، بو پروژه‌یه اختصاص وئریلن ۴ میلیارد تومن ایله ائله کارلی بیر ایش گؤرمک اولماز!

🔸طبی آراشدیرمالار مرکزی و «همراه سرا» -لارین تیکدیریلمه‌سی خصوصوندا دئمه‌لی‌یم بو ایشلر اولوملو (مثبت) ایشلردیر آنجاق بیز قرار قویموشوق اؤز وظیفه‌لریمیزی یئرینه یئتیرک، باشقا اورگان‌لارین یوکونو چیینیمیزه آلمایاق.

🔸یئنی مدنیت اوجاق‌لاری تیکدیرمک قونوسوندا شهر شوراسیندا بئله قرارا گلمیشدیک کی، بو ایشین یئرینه قدیم ائولری آلیب اونلاردان فایدالاناق.

🔸جالیب بیر نؤکته دیر کی، شهر اوچون واحید یؤنه‌تیم (مدیریت واحد شهری) ایسته‌یک آما شهرداری مجموعه‌سینده مخالف جهته گئدک!

🔸بو نئجه ایش دیر کی، عئینالی‌نین بوتون دخل-خرجی شهرداری‌نین عهده‌سینه دیر، آما عمل‌ده شهردار بو تشکیلاتا اؤز مدیریتی‌نی اعمال ائده بیلمیر؟!

About Author

asanews

asanews

اخبار مشابه

دیدگاهتان را بنویسید

آدرس ایمیل شما منتشر نمیشود.
لطفا با دقت پر کنید. *

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *