«حبیب فرشباف»ین فوْتو شکیللری حقّینده اجلاس کئچیریلهجک
گؤرکملی آذربایجان شاعری و اجتماعی شخصیتی اوستاد «حبیب فرشباف»ین ۸۰ یاشی مناسبتیله ۴۰.جی ایللرده آذربایجانین اوجقار کندلریندن چکدیڲی «آرازین ساحیللریندن» عنوانلی فوْتو شکیللر حقّینده اجلاس کئچیریلهجک. ۵۰۰دن آرتیق آغ- قارا، اوْرتا اؤلچۆلۆ نگاتیو چرچیوهسینده چکیلمیش بو فوْتو شکیللر، ۶۰ ایل بوندان اوّل قاراداغ ماحالی کندلرینین اجتماعی دۇرومونو گؤستریر و اوستاد حبیب فرشباف همن کندلرده معلّم […]
گؤرکملی آذربایجان شاعری و اجتماعی شخصیتی اوستاد «حبیب فرشباف»ین ۸۰ یاشی مناسبتیله ۴۰.جی ایللرده آذربایجانین اوجقار کندلریندن چکدیڲی «آرازین ساحیللریندن» عنوانلی فوْتو شکیللر حقّینده اجلاس کئچیریلهجک. ۵۰۰دن آرتیق آغ- قارا، اوْرتا اؤلچۆلۆ نگاتیو چرچیوهسینده چکیلمیش بو فوْتو شکیللر، ۶۰ ایل بوندان اوّل قاراداغ ماحالی کندلرینین اجتماعی دۇرومونو گؤستریر و اوستاد حبیب فرشباف همن کندلرده معلّم اوْلدوغو ایللر بو فوْتو شکیللری چکمیشدیر. بوندان اؤنجه بو شکیللردن سئچیلمیش ۴۰ شکیل تهرانین دنا گالریسینده سرگیلنمیش و چوْخ گئنیش قارشیلانمیشدیر. عینی حالدا همن شکیللر مجموعهسی ۱۳۹۹.جی ایل اؤلکه مقیاسیندا کئچیریلن سندلی شکیللر فستیوالینین ۱۸.جی دورهسینده اوغور قازانمیش و سئچیلمیش ۶ سندلی شکیللر مجموعهسی سیراسیندا اعلان ائدیلمیشدیر.
ردیبهشت آیینین ۲۳.جی گۆنو ساعت ۱۸دن ۲۰یه قدر ایران صنعتکارلار ائوینین (خانه هنرمندان ایران) زالێندا کئچیریلهجک بو اجلاسدا بیر سێرا دۆنیا شؤهرتلی فوْتوگرافلارلا برابر ایران فوْتوگرافلار بیرلیڲیندن ده تانینمیش شخصیتلر اوستاد حبیب فرشبافین چکدیڲی بو شکیللر حقّینده اؤز ملاحظهلرینی و رأیلرینی بیلدیرهجکلر و اوستادین اؤزۆ ده بو شکیللرین تاریخی روایتلرینی دانێشاجاقدیر. 🔶بو اجلاسا قاتیلماق هامی اۆچۆن آزاددیر.
قایناق: ایشیق سایتی @SancaqDergisi
