نتایج بیشتر...
⭕️قوْناق ✍شاعر: #سحر_خیاوی یوْللارین باتیبدی قارا گیلهم، قالیبسان آوارا گَل قۇجوما، گَل بئچارا اوْوجومدا دَن گتیرمیشم بو دا بیر ایستَکان سۇیون یاریم قاریش اینجه بوْیون بو کَدری اۆزدن سوْیون اوْوجومدا دَن گتیرمیشم تیپ – تیپ ائدیر جۇپبو اۆرک نه قوْرخورسان قلبی کؤورَک؟! من کیمینام؟ دوْستون دئمک اوْوجومدا دَن گتیرمیشم داریخما یاز […]
⭕️قوْناق
✍شاعر: #سحر_خیاوی
یوْللارین باتیبدی قارا
گیلهم، قالیبسان آوارا
گَل قۇجوما، گَل بئچارا
اوْوجومدا دَن گتیرمیشم
بو دا بیر ایستَکان سۇیون
یاریم قاریش اینجه بوْیون
بو کَدری اۆزدن سوْیون
تیپ – تیپ ائدیر جۇپبو اۆرک
نه قوْرخورسان قلبی کؤورَک؟!
من کیمینام؟ دوْستون دئمک
داریخما یاز – باهار گَـلر
یئنه باغچادا گۆل گۆلر
تارلامیزدا قۇزو مَـلَر
یئنه ماویلهشر، گؤیۆن
قارغالار توتاجاق دۆیۆن
گَل قوْناق اوْل منه بوگۆن
نارین – نارین، جیک – جیک ائله
آز قالیر باهارین گَـله
بیر آزجا دا گؤزله هَـله
@MuncuqAz
https://t.me/Sancaq_media/6377
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.
