هفته‌لیک فالینیز

حاضیرلایان: #اوْلجای_مرآتی

🔸آغلار‌- گۆلر (قوْچ، فروردین): بو تئزلیکده ایش دوروموز دڲیشیلمک حالدادێر. چوْخدان باشلادێغیز بیر ایش سوْن‌اوجا چاتاجاق و سیز اوْلدوغوز یئردن بیر نئچه آددێم ایره‌لی آتێلاجاقسیز. بو هفته بیرآز قرارسێز و استرسلی گؤرۆنورسوز، استرس بورا کێمی بیرینه یاخجێ اوْلمایێب، بو اۆزدن ذهنیزی آراملادێن و اوْلوملو دۆشونجه‌لرله خوْش احوال- روحیه‌یه دوْغرو گئدین. سیزینله باغلێ اوْلمایان ایشلره وقت و انرژی قوْیمایێن. بو هفته سیزه بیر اؤنری وئریله‌جک. بو اؤنرینی اؤنجه دۆزگون دینله‌یین، سوْنرا دۆشونون و سوْنرا قبول ائدیب، ائتمه‌مڲه قرار وئرین. بلکه اۆرکدن اوْنو ایسته‌دیز، آما عقلیزی دینله‌یین. یئنی تانێش اوْلدوغوز آدامێن، یاشامێزین ایره‌لی گئدیشینده قاتقێسی اوْلاجاق.

گۆلن‌آی (بۇغا، اردیبهشت): هر نه قدر ده باشقا اؤلکه‌یه کؤچمک و یا سفر ائتمک فکرینده اوْلساز، ایندی‌لیک بو ایشه فرصتیز یوْخدور. بونا ناراحات اوْلوب، قایغێلانماق لازم دڲیل. سئوگیلیز و یا حیات‌یوْلداشێزلا اوْلان آنلاشمازلێقلار دا فکریزی قارێشدیریب. باشلادێغیز بو یوْل سرعتله ایره‌لی گئدیر و بو سیزه استرس وئریر، آنجاق آرخایێن اوْلون بو استرس ده لازم دیر. یاشامێن حێزی ایله اؤزۆزو توتوشدورون و گله‌جه‌ڲیزی بیر شخص یا دوروما باغلامایێن. چوْخ اؤنملی بیر تصمیم توتاجاقسێز و بو یاشامێزین گئدیشینی ده‌ڲیشدیره‌جک. بونلار هامێسی یاخجێدیر، نگران اوْلمایێن.

🔸قیزاران آی (ائکیزلر، خرداد): هر بیر عاطفی قوْنو و سئوگی ماجراسێ باشلاندێقدا، چئورزده‌کیلرین ده سیزین قدر ائتگیلندیڲینی بکله‌مه‌یین. اوْنلار اؤز کیچیک دۆنیالارێ چایلاغێندا جوموب، بوْغولماقدادێرلار! بیلیرم اوْنلارلا ایله‌تیشیمه گیریب، گۆن گئچیرتمک چتیندێر، آنجاق سیز اوْنلارێ اؤز دۆشونجه‌لریزله یاناشدێرماغا مجبور دڲیلسیز! بو قدر زحمتیزه ده‌ڲمز. یاشامێزدا یئنی بیر عاطفی مسأله باشلانماقدادێر، آنجاق سیز گئچمیشه اوْلان باغلێلیغیزدان دوْلایێ، بو دورومو قبول ائلییه بیلمیر، گله‌جڲه قوجاق آچامێرسیز. بونلار سیزین سرسم اوْلوب، چاش- باش قالماغێزا سبب اولور. قرار سیزیندیر و کیمسه سیزی بیرزادا زوْرلایا بیلمز، بو قدر اؤزۆزو اینجیتمه‌یین.

🔸قوْرا پیشیرن (یئنگج، تیر): یوْلداشلارێن بیری سیزدن بوْرج ایستییر و سیز بو مبلغی اوْنا وئرمک ایسته‌میرسیز. اوْنون بو ایسته‌ڲی چوْخ مهم بیر مسأله اۆچون اوْلماسا، بو پولو اوْنا وئرمه‌سز ده اوْلار. سئوگی ماجرالارێ چوْخ مهم یئرلره چاتێب، سیزین بو قدر عصبی داورانماغێز ایشلری چتینلشدیریر و ایلیشگیلریزی پوْزولماغا دوْغرو آپارێر. سیز گؤزل و اوْلاغان‌اۆستو بیر ایلیشگینی، یئرسیز انتظارلارێزلا آرادان آپارێرسیز. اۆره‌ڲیزده اوْلان مطلبه چاتماغا الیز دعادادێر، بو قدر نگران اوْلمایێن سیز بو ایسته‌ڲیزه چاتاجاقسێز. اۆمودوزو الدن وئرمه‌یین.

🔸قۇیرۇق دوْغان (آسلان، مرداد): اۆزون زمان خبرسیز اوْلدوغوز کیمسه‌دن خوْش خبرلر ائشیدیب، سئوینه‌جکسیز. ایش یئرینده نظملی اوْلماق و زمانێ کنترل ائتمکله، ایشلری سهمانلایا بیلرسیز. سئوگیلیز بیر زمان سیزینله اوْلور و بیر زمان سیزدن اوزاقلاشماغا مجبور اوْلور، بئلنچی داورانێشلار هر بیر سئوگی ایلیشگی‌سینده اوْلا بیلر، بو قدر دؤزۆموز آزدێرسا، هئچ بیر جدّی ایلیشگی‌یه گیرمه‌یین! اوْنون دا اؤز سوْرونلار و سوْروملولوقلارێ وار. بعضی داورانێشلارێن اؤنۆنده چوْخ دؤزۆمسوز اوْلورسوز و ایشین مدیریتینی الدن وئریب، اوْداقلانا بیلمیرسیز. یئرسیز تارتێشمالارێ آزالدێن و ذهنیزی قاتان ایشلر و سؤزلردن اوزاقلاشێن.

🔸زۇمار (باشاق، شهریور): تانێشلارین بیری سیزی یئنی فرصتلرله اۆز به اۆز ائده‌جک کی ایره‌لی گئتمه‌ڲیزده چوْخ اثرلی اوْلاجاق. بو قدر احتیاطلێ داورانماق سیزدن گؤزلنیلمزدیر. بیرآز دقتلی اوْلماق هامێیا لازمدیر، آنجاق حددن آرتێق اوْلماسێ ایشلرین گئدیشینه مانع تؤره‌در. بعضی وقتلر بعضی ایشلری زمانا تاپشێرین. سیز هرزادی کنترل ائلییه بیلمزسیز. چتین توتمایینجا، یاشامێن گؤزللشمه‌ڲینه تانێق اوْلاجاقسێز. سئوگی ماجرالارێ چوْخ هیجانلێ و گؤزل گؤرۆنور. ایشلریزده اۆره‌ڲیز هانسێ یوْلدان گئتمه‌ڲه گواهی وئریر او یوْلدان گئدین. بیر چوْخ وقت کؤنلۆموزو دینله‌مک، عقلیمیزی دینله‌مکدن یاخجێدیر.

🔸خزل (ترازی، مهر): یارادێجیلیغیز چوْخ گؤزلدیر. سئوگی و رویالارێز اساسدا اوْلدوغو اۆچون، یاشامێز تاماشالێدیر. سیز آماجلارێزا دوْغرو قانادلانێبسیز و سئوگی ایله قاباغا گئدیرسیز. سوْروملولوقلارێزا گؤره فکریز قارێشیقدیر. بیر مقدار نظملی اوْلوب، ایشلریزه اوْداقلانمالێسیز و فکر قارێشیقلاریزی آزالتمالێسیز. تئزلیکده اوغورلارێز چوْخالاجاق و آماجلارێزا چاتماق یوْللارێ هامارلاشاجاق. بیر نفرین بیلمه‌مزلیکدن دانێشماغێ سیزی اینجیدیر، اوْنون سؤزلریندن اۆزولمه‌یین و اۆمودسوز اوْلمایێن. وقت قوْیوب، اوْنونلا تارتێشماغین دا فایداسێ یوْخدور. اوْنا بو سؤزلر فرق ائله‌مز!

قیروْو (عقرب، آبان): ایشیزه گؤره تئزراق ایپین اۆجونو اله آلێن و ایشلریزی سهمانا سالێن، یوْخسا سوْنرالار چوْخ فشار و استرس چکرسیز. فدارکارلێق ائیلیینده ده، دڲرینی بیلن آداما ائیلیین، یوْخسا اوْنون امک‌بیلمزلیک و نانکورلوغوندان چوْخ اۆزولرسیز. بیرآز باخێشیزی دڲیشدیرین و ایشین اوْلوملو طرفلرینه ده باخێن، بلکه آماجلارێزا چاتماق ائله بو طرفدن اوْلدو. سیزی نگران ائیلیین مسأله‌یه گؤره، الیزدن بیر ایش گلمیر، هر نه قدر ده نگران اوْلساز فایداسێ یوْخدوریاواش- یاواش هرزادێ اونودارسێز. سئوگیلیز یا حیات‌یوْلداشێزلا داها یاخجێ داورانماغێزی توصیه ائدیرم. اوْنون سوچو ندیر؟ نییه امکداشلارێزین آجێغینی اوْندان آچێرسیز؟!

🔸آزر (یای ، آذر): سیز بیرینین سئوینجینه ضامن دڲیلسیز، اوْنلارا دا سیزی اۆزوب- اینجیتمڲه اذن وئرمه‌یین. بو گۆنلر، آنسێزین اوْلایلار سیزی چوْخ عصبی‌لشدیریب، بو دوروم یوْلداشلارێزین یاردێم و اۆرک بیرلیڲی ایله، بیر- ایکی گۆنه گئچر. حیات‌یوْلداشێزدان بیرآز فاصله آچێن، اوْنا دا بیر اؤزۆنه گلیب، بیر مقدار آراملاشماغا اجازه وئرین. یالقێزلیقدا هر ایکیز ده آرتێق دۆشونه بیلرسیز. دویغولارێزی دۆشونمک، اؤنۆزده اوْلان بؤیۆک بیر ده‌ڲیشیمه یوْل آچا بیلر. چتین و اهمیتلی ایشلری سوْنرایا ساخلامایێن. انسان اؤزۆنو اثبات ائتمک اۆچون چتینلیڲه دۆشه بیلر.

🔸چیلله (اوْغلاق، دی): بو سوْرونا گؤره اۆمودوزو ایتیرمه‌یین و آللاها توکل ائیلیین. ایچینده اوْلدوغوز ایلیشگی گلن ایل داها جدّی و درین‌لشه بیلر. خوْش خبرلر سیز و عائله‌زی سئویندیره‌جک. سیز، بیله‌زه اؤنملی اوْلانلارلا صداقتله داورانێرسیز. آنجاق بو صداقتین حدّن آرتێق اوْلماسێ، اوْنلارێ اینجیده بیلر! ندن لازم اوْلمایان سؤزلری اوْنا دانێشیرسیز؟ بعضا سیزین آچێق دانێشماغێز اوْنلارێ راحات‌سیز ائدیر. چوْخ رُک اوْلماغێن فایداسێ ندیر؟ چئورزده‌کیلر بونو بیر جۆر توهین حساب ائلییه بیلرلر. صداقته بیرآز سیاست قاتا بیلمه‌سز یوْلداشلارێزی اؤزۆزدن اوزاقلادارسێز.

🔸دوْندۇران آی (قوْوا، بهمن): یاشامێزدا اوْلان بالاجا سوْرونلار، سیزی بؤیۆک آماجلارێزا چاتماقدان اوزاقلاشدێرماسێن! هرزادا آچێق گؤزله باخێن و بونون اهمیتینی اونودمایێن. یاشایێشدا دنه‌ملی و آردێنی توتمالێ بیر چوْخ مسأله وار، استرسلری بوراخێن، تنبل‌لیڲی اونودون و رویالارێزین آردێنی توتون. بیر نفرله کۆسموشدوز، بو گۆنلر بارێشاجاقسێز. بیر نفر سیزه یاخێنلاشێر، اوْنون ایشلرینی دقیق اینجه‌لیین و اوْنو کیمینله توتوشدورمایێن. ساغلاملێغیزی جدّی توتون، ناخوشلوغون اۆچ نشانه‌سی وار: قێزدیرما، آغری، یوْرقونلوق!

🔸بایرام (بالیقلار، اسفند): بیریلری سیزین سهو ائتدیڲیزی اثبات ائتمه‌ڲه چالێشیرلار، بیر فکرده اوْلمادێغیز آداملارێ آلچاق دۆشونجه‌لی بیلیب، اوْنلارلا آنلاشماماغی امکانسێز بیلمه‌یین. بیر مدت بونلارێن هامێسینی بوراخێن و تکجه اؤز دویغو و دۆشونجه‌لریزه اوْداقلانێن. بیر سفره برنامه تؤکۆرسوز، چوْخ احتمال، بو سفره گئتمییه‌جاقسێز. بیر عده سیزین آرخازجا ایش چئویریب، سیزه بؤهتان آتێبلار، سیزین اوْنلارا دئییله‌جک بیر سؤزۆز یوْخدور. صبر ائلیین، اؤزلری ایشلری‌نین سوْن‌اوجونا چاتاجاقلار! @SancaqDergisi

https://t.me/Sancaq_media/6349