یارادێجێ بیر اؤڲرنجینین اؤزللیکلری
۱- دۆشۆندۆکلرینی و باخێشلارێنێ کلاسدا چکینمهدن دییر. ۲- معمولاً مسئلهلره اوْ بیری شاگردلردن فرقلی جوابلار و حل ائتمک یوْللارێ تاپار. ۳- هنری چالێشمالارا مَراق گؤرسَدر، بۇ ساحهده مهارت و تجربهسی اوْلار. «گیردهکانێ سێندێرمادان اؤنجه، بۇ فکره دۆشدۆم که قابێقلارێ ایله ایکی توْسباغا دۆزلدم!» . ۴- اؤز همکلاسلارێنا گؤره داها چوْخ فکر وئریب، چؤزۆم یوْلۇ (راه […]
۱- دۆشۆندۆکلرینی و باخێشلارێنێ کلاسدا چکینمهدن دییر.
۲- معمولاً مسئلهلره اوْ بیری شاگردلردن فرقلی جوابلار و حل ائتمک یوْللارێ تاپار.
۳- هنری چالێشمالارا مَراق گؤرسَدر، بۇ ساحهده مهارت و تجربهسی اوْلار. «گیردهکانێ سێندێرمادان اؤنجه، بۇ فکره دۆشدۆم که قابێقلارێ ایله ایکی توْسباغا دۆزلدم!»
. ۴- اؤز همکلاسلارێنا گؤره داها چوْخ فکر وئریب، چؤزۆم یوْلۇ (راه حل) گؤرسَدر.
۵- معمولاً دۇزلۇ سؤزلر دئییپ، ایلگینج (جالب) شۇخلۇقلارلا اوْ بیریلرینی گۆلدۆرهبیلر.
۶- معلّمین دۆشۆندۆکلرینی و کتابێن مطلبلرینی دَڲیشدیرمڲی چوْخ ایستر.
۷- کلاسدا چوْخ وقت عادی اوْلمایان، حتَی عجیب غریب سؤاللار سوْرۇشار
. ۸- اؤز فکرلر و ایدهلرینین رسمینی چکمڲه چوْخ مراقلێدێر
. ۹- تنقیدچیدیر، هر باخێشێ و هر دۆشۆنجهنی آسانلێقلا قبۇل ائیلهمز.
۱۰- بعضاً فرقلی و عجیب دۆشۆنجه و گؤرۆشلرینی دئمک ایچۆن اوْ بیری اؤڲرنجیلرین گؤزۆنده غیرعادی گؤرۆنر.
۱۱- تخیّل گۆجۆ چوْخ یاخجێ اوْلار
۱۲- کلاسدا معمولاً اشتیاق ایله دانێشار، چالێشار فکرلرینی بۆتۆن آیرێنتێلارێ (جزئیاتی) ایله آچێقلاسێن
. ۱۳- ابتکارلێدێر، چوْخ وقت اؤزۆنه مخصوص فکرلر و جوابلار اؤنه سۆرَر.
۱۴- دۇیغۇلۇ، اینجه گؤرۆشلۆ و نکتهسنج اوْلار
. ۱۵- چوْخ چالێشقاندێر. عینی زماندا مختلف ساحهلرده نئچه فکر و ایده باشێندا دوْلاندێرار.
۱۶- دَنهییم (تجربه) و سێناماغێ (آزمایش) چوْخ سئور.
۱۷- اؤز دوْستلارێنێ ائتکیلییب اوْنلارا نفوذ ائدهبیلمکده چوْخ باشاریلێدێر
. ۱۸- باشقالارێن طرفیندن اوْنایلانماماغا (تأیید نشدن) و قوْۇلماغا حاضرلێقلێدێر
. ۱۹- فرقلی و چشیدلی (متنوع) موضوعلاردا اوْخۇماغێ سئور، بو قوْنۇیا یئترینجه وقت آیێرار.
۲۰- گَنل بیلگیسی (اطلاعات عمومی) چوْخدۇر، چالێشار اوْنلاردان عملی یارارلانسێن (استفاده ائیلهسین).
