⭕️تۆرکۆجان
شاعر: #سوسن_نوادهرضـی «تبریز آغزی ایله یازیلمیش» منیم گۆناهیم نهدی؟ آنام تۆرکۆجان سانجی وئریردی دوْغاندا منی. هم ده «صونا ماما» ارمنی اوْلسا دا، تۆرکۆجان توتدو منی. سوْرا دا تۆرکۆجان دؤشۆن توتدوم ایلک دفعه آنامین سوْردوم سوْردوم سوْردووووم سوْردوم سوْردوم سوْردووووم اؤزۆم اؤلۆم شیرین سۆت تۆرکۆجان گلیردی دؤشۆندن. * دوْیدوغومدا دا نم کیم تاپدالادی کۆرهڲیمی پیش – […]
شاعر: #سوسن_نوادهرضـی
«تبریز آغزی ایله یازیلمیش»
منیم گۆناهیم نهدی؟
آنام تۆرکۆجان سانجی وئریردی
دوْغاندا منی.
هم ده «صونا ماما»
ارمنی اوْلسا دا،
تۆرکۆجان توتدو منی.
سوْرا دا تۆرکۆجان دؤشۆن توتدوم
ایلک دفعه آنامین
سوْردوم سوْردوم سوْردووووم
سوْردوم
سوْردوم
سوْردووووم
اؤزۆم اؤلۆم شیرین سۆت
تۆرکۆجان گلیردی دؤشۆندن. *
دوْیدوغومدا دا
نم کیم تاپدالادی کۆرهڲیمی
پیش – پیش دئیهرک،
من ده فارسێجان باشارمیردیم که،
تۆرکۆجان گهییردیم چیڲنینده.
اوْ دا
“بالاما قربان ایلانلار
بالام هاچان دیل آنلار”
اوْخویوب، اوْخشادی منی.
آنجاق من، قێغیلدانیردیم تۆرکۆجان،
من آغلاییردیم
من گۆلۆردۆم
من آنلاییردیم تۆرکۆجان.
آتام دا، تۆرکۆجان
قوجاغینا آلاردی همیشه.
اننهم ده تۆرکۆجان
قێچینا سالیپ، یێرغالاردی بیلهمی:
“لای لای دئدیم یاتاسان
قیزیل گۆله باتاسان
قیزیل گۆللر ایچینده
شیرین یوخو تاپاسان”
اننه! به من قیزیل گۆله باتمادیم آخی!
قیزیل گۆلـلهلره
باغلادیلار سن اؤرگهدن دیلی..
. جایدیردیلار بیزی
یاهالتدیلار ائلیمیزی
قاپی دالداسێندا قوْیدولار دیلیمیزی… *
من فارسێجان اوْلمادی بااااا
فارسێجان “ماماااان گه منی یۇوووو” دئیهنمهدیم،
فارسێجان آتامین کۆرهڲینه مینهنمهدیم،
من فارسێجان ایمَـکلهیَـنمهدیم
یئرییهنمهدیم،
قاچانمادیم.
من فارسێجااااااان
سؤیَـنمهدیم…
سؤیـنمهدیم باااا سؤیـنمهدیم. *
هله، تۆرکۆ دانیشاندا
کلاسداکی دَخیله
ایکی قێران جَرمه سالدیران اوْ «خانیم سَنجری»
، بیر دفعه مدرسهده یێخیلدیغیمدا
مِرکوْرکوْروم سۆرتنده دیزیمه ”
ائله جانینناااااان” – دئدی تۆرکۆجان منه،
تئلیمه ده تۆرکۆجان چکدی الینی،
سوْرا منی ازدیردی تۆرکۆجان
من ده اوْنا ازیلدیم تۆرکۆجان
اوْ گۆندن بری،
خانیم سنجرینی داها چوْخ سئودیم تۆرکۆجان. *
ایندی ده،
ۆرکۆجان کئفسیزلهمیشم،
من بیر آز تب ائیلهمیشم
بیر آز دا تب، منی ائیلهییب
باشێم بیله یامان کؤکده تۆرکۆجان آغریییر
آلنیم اوْد وئریر
هه…..
. عمللی باشلی سوْیوق ایلیشدیریب
شعریمین سینوسلارینا.
یون جیلیققامینان خاماح شالیمی
، زنگللریمی،
أڲنیمدن چێخاردیب
، سوْن اۆشۆین قادینا وئردیم
اوْ گۆن «ورزیقان»دا… *
من آداما تۆرکۆجان یئریکلهمیشم،
منه آدام دادێزدیرین بیر آز
یوْخسا اؤلۆ دوْغوراجاغامآاااا بو یاشامی…
