⭕️هفتهلیک فالینیز
حاضیرلایان: #اوْلجای_مرآتی 🔸آغلار- گۆلر (قوْچ، فروردین): بو هفته یئنی باشلانقێجلار هفتهسیدیر. آماجلارێزا چاتماقدا چوْخ ارادهلی گؤرۆنورسوز. آنجاق بو یوْلدا اؤزۆزو یوْرماماغێ اونودمایێن. بعضی وقتلر بیر ذرّه یارادێجیلیق ایشلری چوْخ ایرهلی آپارا بیلر. بو یوْلدا اۆرهک یاندێران یوْلداشلارێز وار. اوْنلاردان یاردێم ایستهیین و بو یاردێملاریندان منتدارلێغیزی بیلدیرهرک، سیزنله امکداشلێق ائتدیکلریندن سئویجلرینی آرتێرین. هفته سوْنونون اوْتوروموندا هامێ […]
حاضیرلایان: #اوْلجای_مرآتی 🔸آغلار- گۆلر (قوْچ، فروردین): بو هفته یئنی باشلانقێجلار هفتهسیدیر. آماجلارێزا چاتماقدا چوْخ ارادهلی گؤرۆنورسوز. آنجاق بو یوْلدا اؤزۆزو یوْرماماغێ اونودمایێن. بعضی وقتلر بیر ذرّه یارادێجیلیق ایشلری چوْخ ایرهلی آپارا بیلر. بو یوْلدا اۆرهک یاندێران یوْلداشلارێز وار. اوْنلاردان یاردێم ایستهیین و بو یاردێملاریندان منتدارلێغیزی بیلدیرهرک، سیزنله امکداشلێق ائتدیکلریندن سئویجلرینی آرتێرین. هفته سوْنونون اوْتوروموندا هامێ سیزین لیاقت و باشارێزی آلقێشلایاجاق و چوْخ مهم بیر ایشین باشچێلیغینی سیزه تاپشێراجاقلار. سیزین ذاتاً مدیر و اؤندر اوْماغێز هر کسه آچێق آیدێندیر.
گۆلنآی (بۇغا، اردیبهشت): چالێشمالاریز سوْناوجا چاتێب و اوغورلارێز گؤرۆنور. بونا چتینلیکلرین اؤنۆنده صبیرلی اوْلماغێز، باشارێلاریز و بیلهلریله گئچینمک چتین اوْلان آداملارلا یاناشماغێز سایهسینده چاتێبسیز. سیز آداملارلا نئجه داورانماق یوْللارێنی بیلیر و چتین دوروملاری مدیریت ائتمهڲی بیلیرسیز و یوْروجو ایشلردن ده لذت آپارماغێ باشارێرسیز. عاطفی دورومدا دا اؤز باشارێلاریزدان فایدالانێب، حیاتیوْلداشێزلا داها صمیمی و یاخێن ایلیشگیده گؤرۆنورسوز. یاخجێ لحظهلرین، بو آنلار اؤتریدیر دئیه، قدرینی بیلمک گرهک.
قیزاران آی (ائکیزلر، خرداد): یاشامێزا یئنی فلسفی باخێشلارلا گؤزللیک باغێشلایین و بو یوْلو اؤزۆزه لذتوئریجی ائدین. هفتهنین باشلانقێجیندا بعضی یانلێش ایناملار و یارقێلامالار سیزی راحاتسێز ائلییه بیلر، آنجاق سیز هئچ آلدێرمادان ایشیزه دوام ائدهجکسیز و گئت- گئده سئونجیزین چوْخالماسێنا تاتێق اوْلاجاقسێز. یارادێجی و قوْرخماز دۆشونجهلریز هر زمانکی کیمی سیزه آلقێش قازاندێراجاق. سیز اؤز ایچ اێشیغینیزی هر کسله پایلاشماغێ باشارێرسیز و چئورزدهکیلرین یاشام کیفیتینی یۆکسلتمکده الیزدن گلنی اسیرگهمیرسیز. سیزین بو بالاجا و اوْلوملو آددێملاریز چوْخ بؤیۆک دڲیشیملره باشلانقێج اوْلاجاق. آفرین سیزه.
قوْرا پیشیرن (یئنگج، تیر): هفتهنین ایلک گۆنلری بعضی یئرسیز تارتێشمالار سیزی راحاتسیز ائدهجک. ندن بعضی آداملار بئله کیچیک مسائله گؤره اؤزلری و باشقالارێنی اینجیدیرلر؟ داها دوْغروسو بئله آداملارلا بارێشیب یاشاماق و یا بیر دفعهلیک اوزاقلاشماقدان باشقا چارهمیز یوْخدور. هفتهنین اوْرتالارێنا کیمی بو یئرسیز بحثلره سوْن وئرین. هر سؤزۆن بو قدر وقت قوْیماغا دڲری یوْخدور. بو آرادا بیر باشقا آداملا چوْخ خوْش آنلارێز اوْلاجاق. بو گؤزل لحظهلرین دادێنی چێخاردێن و سئوینجیزی سئودیکلریزله پایلاشێن.
قۇیرۇق دوْغان (آسلان، مرداد): گۆندم ایشلردن اوزاقلاشماق و یئنی تجربهلر قازانماغا چوْخ اویغون زماندێر. بو گؤزل لحظهلرین قدرینی بیلین. بیرآز یاشامێزین حێزینی آزالدێن و اؤزۆزه یاراتدێغیز آرامشدن لذّت آپارێن. قاباغا گلن چتینلیکلردن قوْرخمایێن، سیز بو سوْرونلارلا اۆز به اۆز اوْلماغا یئترینجه گۆجلو و انرژیلیسیز. بیر مقدار دینجلمک و اؤزۆزه یاخجێ یوْلداشلار سئچمکله بو یوْلو ان گؤزل شکیلده سوْنا چاتدێراجاقسێز و بئلهلیکله هفتهنین سوْن گۆنلرینی آرامش و سئویج ایچینده گئچیردهجکسیز.
زۇمار (باشاق، شهریور): ماجرالێ بیر هفته اؤنۆزدهدیر. هفتهنین ایلک گۆنلری عائلهوی ایشلره داها چوْخ باخێم و اؤزهن گؤرستمک لازمدیر. عائله عضولری ایله صمیمی دانێشماقلا سوْرونلارا یاخجێ چؤزۆملر تاپا بیلرسیز. بو صمیمتی داها چتین ایشلری بیرلیکده گؤرمک اۆچون دوام ائتدیرین. بو سوْرونلارێن ایچینده اوْلارکن، هیجانلێ و خوْش بیر هفتهنیز ده اوْلاجاق. اوْلایلارێ آچێق اۆزله قارشێلایین و یاراتدێغیز سئوینجین ایچینده قازاندێغیز تجربهلره شۆکر ائیلیین. هفتهنین سوْن گۆنلری درین بیر نفس چکین، بیرآز آرام اوْلون و عزیزلریزله بیرلیکده اوْلماقدان لذت آپارێن.
خزل (ترازی، مهر): اؤز ایچیزده اؤزۆز و او اؤزل آداملا اوْلان ایلیشگی و محبتدن خبریز وار، آنجاق بو سئوگی گئرچکلشمکدن اوزاق گؤرۆنور! سیزین ایکیز ده رویادا یاشارکن، حقیقتلرله اۆز به اۆز اوْلماقدان قوْرخورسوز. آرتێق قوْرخونو بوراخێب، جسارتله بو یوْلدا آددێم آتمالێسیز! آتالارێمز دئمیشکن: «بیر دفعه یا اۆزون یا دۆزون» آنجاق بئله قالماق داها مصلحت دڲیل. البته تلهسیب دقتسیز اوْلماق، واقعیتلری گؤرمهڲیزه مانع اوْلا بیلر. نه اوْلور اوْلسون دۆزلوک و صمیمتله یاناشێ دانێشماغێ هر ایشدن قاباق بیلین و بو ابهاملارا بیر دفعهلیک سوْن قوْیون یا سیز دئین اوْلار یا اوْلماز!!!
قیروْو (عقرب، آبان): چوْخدان یوباتدێغیز ایشی بو هفته گؤرۆن. مهم بیر تلفن باغلانتێسی، اۆز- اۆزه اوْتوروب بیر آچێق- آیدێن دانێشیق و یا اوزون زماندان بری گؤرمهڲی لازم اوْلان بیر ایشی باشلاماق! آرتێق سیز دئین اوْلا یا اوْلمایا زمان سیزین نفعیزه ایرهلی گئدیر. بعضی وقتلر «بو ایش مینم اۆچون دڲیلمیش» دئییب، واقعیتلری قبول ائتمک اؤزۆ بیر قازانجدێر. حوصلهزی الدن وئرمهیین و ایشلری بیر- بیر اولویت اۆزویله قاباغا آپارێن آما داها دایاندێرمایین و کسین بو قوْنونو بیتیرین. اؤرت- باسدێر ائتمهدن دانێشماق بۆتون باغلێ قاپێلاری آچێب و ایشلرین یوْلونا دۆشمهڲینه سبب اوْلار.
🔸آزر (یای ، آذر): بو هفته مطلق قارانلێق و سکوتون ایچیندن اێشیق و آیدێنلیق ایچینه گیرهجکسیز. بو گؤزل دڲیشیم سیزده تانێمادیغی بیر یئره گئدن اوشاغێن اۆرهڲینده یارانان هیجانلار کیمی، اۆمود، سئوینج بیرآز دا قوْرخو دویغولارێ یارالدێر. هله گئت- گئده باشقا دویغولارێز دا اوْلاجاق. بو شاشقێنلیق طبیعیدیر. هر زمان دڲیشیلمک اؤزۆیله چئشیدلی دویغولار دا گتیرر، آنجاق بو دویغولارێن هامێسی گؤزل اوْلایلار و یئنی باشلانقێجلارین موشتولوغونو وئردیڲینی اونودمایێن. هرزاد گؤزللیک و یاخجێلیغا دوْغرو گئدیر، قوْرخمایێن.
🔸چیلله (اوْغلاق، دی): هفتهنین ایلک گۆنلری مالی مسائلی دۆشونورسوز. بلکه ائوین بعضی نسنهلرینی نقد ائیلهمک ذهنیزین بیر بوجاغێندا جانلاماق حالدادێر، قوْرخمایێن بو قدر وسواس و اضطراب یئرسیزدیر. بیرآز مالی مسائلده دقتلی اوْلماق و یئرسیز هزینهلری آزالتماقلا هرزاد دۆزهلر. بو دوروم اؤتریدیر. صبر، دایانێش، آرام اوْلماق و ایپین اوجونو الیزدن بوراخماماغێزی توصیه ائدیرم. یئرلی- یاتاقلێ داورانماق، مدیریتیزی چوْخالتماق و دئدیکلریزین اۆستونده دورماق ایشلرین یوْلوندا اوْلماغێنا سبب اوْلار. بو هفته عائلهوی ایشلری یئر به یئر ائدرکن، هیجان و گؤزلنیلمز سئوینجلردن ده، غافل اوْلمایێن.
دوْندۇران آی (قوْوا، بهمن): هفتهنین ایلک گۆنلری بعضی آنلاشمازلێقلار سیزی چتینلیڲه سالاجاق، آنجاق ال- ایاغێزی ایتیرمک و آرامشیزی الدن وئرمک بو دوروما چاره دڲیلدیر. بو یئترسیزلیڲین قایناغێنی تاپێن و اوْنو آرادان آپارماغا چالێشین. بو دوروم هفتهنین ایلک گۆنلری اوْلاجاق و گۆنلر ایرهلیلهدیکجه، سئوینج و آرامش حیاتێزا گئری دؤنهجک. ذهنیز آرام اوْلونجا، گؤزل بیر هنری اثر یاراتماغا فرصتیز اوْلا بیلر. آرتێق اؤز قێنیزدان چێخیب، دنیا و آداملارێلا اۆز- اۆزه گلمک زمانێدیر. باشێزدا اوْلان گؤزل و هیجانلێ ایشلری گؤرمک اۆچون بیر قوْرخمازلیق و جسارت لازیمدیر.
بایرام (بالیقلار، اسفند): بو هفته سئوگییه چوْخ حاضرلێقلی گؤرۆنورسوز. کؤنلۆز هیجاندان آلێشماق ایستییر، بونا بالاجا بیر قێغیلجیم یئترلیدیر. هفته ایرهلیلدیکجه سیزین ده بو هیجاهنێز آزالماغا دوْغرو گئدهجک. ایشلر چوْخالێر و بونلارا فکرلشمک ذهنیزی یوْرا بیلر. نگران اوْلمایێن، سیز ایش و عاطفی دوروموزدا دنگه ساغلامانێ باشاراجاقسێز. هفته سوْنلارێ سئوینج دوْلو بیر قوْناقلێغا دعوت اوْلاجاقسێز. بو قوْنالێقدا گؤزل اوْلایلار سیزی گؤزلهییر، بلکه یاشامێزی همیشهلیک دڲیشدیرن بیری ایله تانێش اوْلدوز و بو تانێشلیق چوْخ تئز سیزی جدّی یئرلره آپاردێ!
