قارغێش یازان: #ویدا_حشمتی

ایکینجی بؤلۆم

اوْغلانین سؤزۆنۆ سایمادان، بئینیمده آیدینی تصویر ائتمڲه چالێشدیم. یقین ساچلاری قارا دڲیل داها… بلکه ده گۆموشو ساچلارینی، گئنه آرخایا داراییب. بێغلاری اۆست دوْداغینی اؤرتۆب. بلکه ساققالی وار… بلکه ده ساچلاری تؤکۆلۆبدۆ. سوْنرا واز کئچیدیم. اوْنو گؤردۆڲۆمده نه دئیه‌جَڲیمی، ساپا دۆزمَڲه باشلادیم. «منه یازدیغین سوْن نامه‌نی ازبرم آیدین! منی باغیشلا! عمی‌قیزیم هر شئیی یازمیشدی منه. منیم اۆچون قاپیمیزا کیمی گلمیشدین. آنجاق من…».

توْز دنه‌لری ماشینین شۆشه‌سینه دَڲیب، سس وئریردی. گنج اوْغلانین سسی منی اؤزۆمه گتیردی. گؤزلرینی اؤنه دیره‌میش، دئدی: – بورالارا سانکی لعنت یاغێب، سانکی دنیزین قارغێشی توتوب… بیر شئی زلی کیمی بئیینیمی سوْمورور. نئچه ساعات اؤنجه‌کی اومود تۇمورجوقلارێ سوْلماغا باشلاییب. گۆنشه دارێخمیشام. آخی همیشه بولودلو هاوا اۆره‌ڲیمی سێخار. بیر زامانلار بو یوْللاری سَره – سَر گۆنه‌باخانلارین تارلاسی بزه‌میشدی. گؤز ایشله‌دیکجه گۆنه‌باخان اوْلاردی. ایندی هئچ بیریندن خبر یوْخدو. – آغا باغیشلایین آدیز نه‌دیر؟ ماراقلا سوْروشدوم. – منه فایتونچی دئیین.

– چوْخ جالبدی. آتا – بابالاریز فایتونچی ایدیلر. – هه ائله‌دیر. اوْنلار مسافرلری فایتونلا آپاراردیلا، منسه ماشین‌لا. بؤیۆک، بؤیوک بابامین اۆچ دنه فایتونو واریمیش. یاخشی کئچینردیلر. اوْنون دا دده – باباسیندان قالمیشدی بو ایش. آتامێن دا مینی‌بوسو واریدی. باشیمی ترپه‌دیب، باشی‌نین اۆستونده‌کی، عکسه بیر داها باخدیم. – آغای فایتونچی!… گۆنه‌باخانلارین باشێنا نه گلیب؟… بورالار گۆنه‌باخانلارلا دوْلو اوْلاردی بیر زمان.

وْلو اوْلاردی بیر زمان. – آللّه اوْنلارا رحمت ائله‌سین. چوْخداندی اؤلۆبلر. هاوانی گؤرمۆسۆز؟… بو هوادا نه گۆنه‌باخان اوْلار نه باشقا شئی… کؤیکسۆمۆ اؤتۆردۆم. آرتیق گؤزل شئیلردن اثر یوْخویدو. کۆلک بیرآز یاتمیشدی. داغلارین اوْرتاسینداکی گدیکدن کئچیب، دۆز یوْلا دۆشدوک. – یوْلوموز چوْخدو؟ سوْروشدوم. – بو توْز‌ توفان قوْیسایدی، چوْخدان یئتیشمیشدیک. – قراریم کسیلیبدیر، بورالاری بئله گؤرۆنجه اؤزۆمه دئییرم گؤره‌سن اوْنو تاپا بیله‌جم؟ – چوْخ اومودلو اوْلمایین. چوْخداندیر اوْرالاردا کیمسه یاشاماز. اوْنون بو سؤزلرینی سایمادیم. اومودومو تماماً ایتیرمک ایسته‌میردیم. من اوْنو تاپمالی‌یدیم.

اؤنۆمۆز گؤرسه‌نمه‌ییردی. اوْغلان ماشینین سارێ ایشیقلارینی یاندیردی. باشقا، هئچ بیر چیراغ ایشیغی گؤرنمۆردۆ. بیردن یوْلون اوْرتاسیندا بؤیۆک بیر چالا اۆزه چێخدی. اوْغلان فرمانی سوْلا آلدی، آنجاق ماشین گۆمبولتویلا چالایا دۆشوب چێخدی. کاپوْت آچێلیب، قاباق شۆشه‌یه سارێ گلدی. سوْنرا ماشین بیر شئیه دَڲیب، دایاندی. ***

ماشیندان چێخیرام. هر طرف قارانلێقدیر. ماشیندان اوزاقلاشارکن یئلین، قورد کیمی اۇوۇلدوسو، قولاقلاریمی کار ائدیر. اللریمی قولاقلاریما قوْیورام. یئل دۇز دَنه‌لرینی اۆزومه وۇرور. گؤزلریم آجێشماغا باشلاییر، یاش گلیر. الیمین دالێسی ایله سیلیرم. اوزاقلاردا بیر ایشیق گؤز وۇرور… ایشیق گلن ائوه سارێ گئدیرم. یاشلی کیشی آغێز – بۇرنونو باغلامیش، منی گؤزله‌یر کیمی قاپێ‌نین اؤنۆنده دایانیب. آیاغیمین آلتینداکی دۇز، اینجه شۆشه پارچاسی کیمی خێرچیلداییر. سسیندن جانیم یێغیشیر، گؤوده‌م تیتره‌ییر. یاخێنلاشیرام.

– آی عمی؟!.. بیرینی آختاریرام. چوْخ آدلیمدیلار. بوردا یاشاردیلار. هانێ بورانین آداملاری؟ هاردادیلار؟.. سوْروشورام. یئلین کۆفولتوسو سسیمه قارێشیر. بیر داها سوْروشماق ایسته‌ییرم. کیشی اؤسکۆررکن چتینلیکله دئییر:

– نه آدامی؟ نه یئری؟… – بیرینی آختاریرام.

– بیرینی آختاریرام. – کیمسه بوردا یوْخدور. دنیز قۇرودو. توْز – توفان اوْلدو. اؤلن اؤلدۆ، قالانلار دا کؤچۆب، گئتدیلر، دئییر. گؤزلریم گؤینه‌مَڲه باشلاییر. – هارا؟… هارا گئتدیلر؟…

کیشی اؤسکۆررکن الینی اۆره‌ڲینه قوْیور. ایشیق اۆزونون یارێسینا دۆشور. آرخاسێنی چئویریب، ائوه کئچمک ایسته‌ییر. – سنی آللّه منه بیر سؤز دئه! «گله‌جک» عائله‌سینی آختاریرام، «آیدین گله‌جک»… دئییرم.

دؤنۆب باخاندا گؤزلریندن اۆره‌ڲیمه رعشه دۆشور. هین… دئییب، ایچیمی چکیرم. – بو آیدین‌دیر.‌.. اؤزۆمه دئییرم. اوْ تیترک سسله دئییر: – هامێسی اؤلدۆ. هامێسی کؤچدۆ. اؤسکۆرمه ماجال وئرمه‌ییر. اؤسکۆررکن یێغیشیب بیر چنگه اوْلور. تکرار دئییر: – اؤلنلر اؤلدۆ… قالانلار کؤچدۆ. چوْخ دیسکینیرم. آیدین نه‌دن بو گۆنه دۆشوب گؤره‌سن؟… آردینی اوْخویون

ایکینجی بؤلۆمون دوامی

بیر داها الینی دؤشۆنه قوْیوب، اؤسکۆرۆر. زوْرلا دئییر: – اؤلنلر اؤلدۆ.‌‌.. قالانلار کؤچدۆ. بورالارا قارغێش یاغێب

هئچ اینامازدیم بیر گۆن آیدینی بو حالدا گؤرم. نه اوْلوب؟ نه باشینا گلیب؟ هئچ بیلمیرم.

– من دۇرنایام!… تانێدین؟ سنین اۆچون چوْخ اوزاقلاردان گلمیشم. آیدین!؟… آیدین!؟…

دؤنۆب دقّتله اۆزومه باخیر. باخیشی بۇز کیمی‌ سوْیوقدو. گؤزلری قربانلیق قوْیونون گؤزلری کیمی باخیر. اۆزومه باخارکن، دئییر: – اؤلنلر اؤلدۆ…

اوْیان – بویانا باخیرام. اوْغلانی آختاریرام. آغای فایتونچی… دئییرم. هر یئر دومانلێقدی. خێرچا – خێرچ سسی ائشیدیرم. بیری آیاقلارینی دۇزلارین اۆستونه باسێر سانکی.

کیم وار اوْردا؟!.. دئییرم.

هر یئر سس‌سیزلیڲه بۆرونوب. آرخاما باخیرام، قارانلێقدی، اؤنۆمه باخیرام قارانلێقدی. آددیملاریمی اِهمالجا گؤتۆرۆرم. اللریمی اوزالدیرام اؤنۆمه. بیردن جانیم تیتره‌ییر. هۆنکور – هۆنکور آغلاماغیمین سسی، گئجه‌نین قارانلێغیندا یامسێنیر. اطرافیما دوْلانیب، کوْرلار کیمی اللریمی دوْلاندیریرام. گؤز یاشلاریم اۆزومو گؤینه‌دیر. – خانیم!؟ خانیم!؟ یاخشیسان؟ – آغای فایتونچی!؟… مێزیلدانیرام.

هر یئر سس‌سیزلیڲه بۆرونوب. آرخاما باخیرام، قارانلێقدی، اؤنۆمه باخیرام قارانلێقدی. آددیملاریمی اِهمالجا گؤتۆرۆرم. اللریمی اوزالدیرام اؤنۆمه. بیردن جانیم تیتره‌ییر. هۆنکور – هۆنکور آغلاماغیمین سسی، گئجه‌نین قارانلێغیندا یامسێنیر. اطرافیما دوْلانیب، کوْرلار کیمی اللریمی دوْلاندیریرام. گؤز یاشلاریم اۆزومو گؤینه‌دیر. – خانیم!؟ خانیم!؟ یاخشیسان؟ – آغای فایتونچی!؟… مێزیلدانیرام.

یاواشجا دئییر:

– گلین قایێداق. منیم باشیم یارالانیبدیر. اوْ آن باشیمین گؤینه‌مه‌سینی حسّ ائدیرم. سانکی منیم ده باشیم یارالانیبدیر.

وْغلان بوْغوق سسله دئییر: – بورالارا قارغێش یاغێب. سنه دئمیشدیم. دنیزین آهی توتاجاق هامیمیزی. قارغێش سؤزۆ آیدینی خاطیرلاتدی. اوْ دا قارغێش سؤزۆنۆ دئمیشدی. باشیمی چتینلیکله ترپه‌دیرم. شۆشه‌نین قێرینتی‌لاری اۆزومو نئچه‌ یئردن کسیبدی، اۆزوم گؤینه‌ییر.

گنج اوْغلان ماشینی زوْرلا ایشله‌دیب، یوْلا دۆشوروک. هاوا آلاجا قارانلێقدیر. من اؤنه باخیرام. گۆنش اؤنۆمۆزده‌کی داغلارین اوْرتاسیندان اؤزۆنۆ گؤرسه‌دیر. #سون