⭕️اوشاق حقّینده بایاتێلار
⭕️اوشاق حقّینده بایاتێلار ✍شاعر: #علی_دلپاک اوشاقدێر گۆل قوْنچاسێ قلبی دۇیغو بوْقچاسێ تئز کۆسر تئز بارێشار آغزێ گۆلوش طاقچاسێاوشاق دوْیماز اوْیوندان سئوینجیندن توْیوندان اوْیون اوْنا چؤرک تک ایچر سئوینج سۇیوندان* آنا دیلین دانێشان بۆلبول کیمی قوْنوشان اؤز دوْغما کیملیڲیندن* واردێر اوْندا مین نشان آنا دیلی بالدێر بال اوشاقلارا قانات، بال* اوشاقدان اسیرگهین* آتا آنا کالدێر […]
⭕️اوشاق حقّینده بایاتێلار
✍شاعر: #علی_دلپاک
اوشاقدێر گۆل قوْنچاسێ
قلبی دۇیغو بوْقچاسێ
تئز کۆسر تئز بارێشار
آغزێ گۆلوش طاقچاسێاوشاق دوْیماز اوْیوندان
سئوینجیندن توْیوندان
اوْیون اوْنا چؤرک تک
ایچر سئوینج سۇیوندان*
آنا دیلین دانێشان
بۆلبول کیمی قوْنوشان
اؤز دوْغما کیملیڲیندن*
واردێر اوْندا مین نشان
آنا دیلی بالدێر بال
اوشاقلارا قانات، بال*
اوشاقدان اسیرگهین*
آتا آنا کالدێر کال
آنا دیلین دڲرین
بیلن انسان چوْخ درین
هر کس بیلمز زَر قدرین
زرگر بیلر زر قدرین
اوشاقلار آی اوشاقلار
گۆلوستاندا باشاقلار*
آنا دیلده دانێشان
ائله قیزیل دایاقلار*
اوشاغێ تانێشدیرین
دیلیزده دانێشدیرین
آنا دیلین سئودیرین دشمنی یانێشدیرین
اوشاقلار گلهجکدیر
قوشاقلار گلهجکدیر
دیللرین یاشاتسالار گلهجک
گۆلهجکدیر اوشاقلارێ بئجردین*
دۇیقونوزلا جۆجردین*
اکینجینی* چوْخالدێن
چوْخالتماسێن ائل دردین
اوشاقلاردێر اۇموتلار
سئوگی یاغان بۇلوتلار
اوشاقلار سئوگی بَسلر
ائله آلتێن یۇمورتلار
بعضی کلمهلرین فارسجا معنالاری؛
سئوینج سۇیۇندان: آب شادی – کیملیک: هویّت – بال: بالِ پرنده – اسیرگهین: دریغ کننده – باشاقلار: سُنبلها – قێزێل دایاقلار: ستونهای طلا – بئجردین: پرورش دهید – جۆجردین: بِرویانید – اکینجی: فرهنگ
@MuncuqAz
https://t.me/Sancaq_media/6346
