#حکیم_مولانا_فضولی 🔹(لیلی و مجنون مثنویسیندن) ایڲیرمی گۆلن آیی، دنیانین أن گؤزل انسانی «حکیم مولانا فضولی»نین آنادان اوْلان گۆنودور. گریبان اوْلدی رسوالیق الیله چاک دامن هم بنا رسوالیغیمده دوستلر طعن ائتدی دشمن هم ره عشق ایچره جان قیلدۇم گرفتار بلا تن هم بۇ یئتمزمی که بیر درد آرتۇرۇرسن دردیمه سن هم اگر دۇتسم غمیم ائلدن نهان […]
ایڲیرمی گۆلن آیی، دنیانین أن گؤزل انسانی «حکیم مولانا فضولی»نین آنادان اوْلان گۆنودور. گریبان اوْلدی رسوالیق الیله چاک دامن هم بنا رسوالیغیمده دوستلر طعن ائتدی دشمن هم ره عشق ایچره جان قیلدۇم گرفتار بلا تن هم بۇ یئتمزمی که بیر درد آرتۇرۇرسن دردیمه سن هم اگر دۇتسم غمیم ائلدن نهان صبر و قراریم یوْق وگر شرح غم پنهانیم ایتسم، غمگساریم یوْق اسیر بند زندانم الیمده اختیاریم یوْق بۇ یئتمزمی که بیر درد آرتۇرۇرسن دردیمه سن هم اوْلۇپدۇر اشک خونابیله گلگون چهرﮤ زردیم یانۇپدۇر آتش هجرانه جان دردپروردیم جفای چرخ کجرفتار الیندن وار بین دردیم بۇ یئتمزمی که بیر درد آرتۇرۇرسن دردیمه سن هم گهی شوق وصال و گه بلای هجرله زارم اؤزۆم هم بیلمزم دردیم ندۆر بن نیجه بیمارم غم عشق ایچره بیر درمانی یوْق درده گرفتارم بۇ یئتمزمی که بیر درد آرتۇرۇرسن دردیمه سن هم جدا سندن بلا و درد هجرانیله دۇتدۇم خو قیلۇر هر دم بنا بیداد درد آیرۇ، بلا آیرۇ بلا و درده دۆشدۆم روزگاریم بؤیله حالیم بۇ بۇ یئتمزمی که بیر درد آرتۇرۇرسن دردیمه سن هم طبیب عشقه چون اظهار قیلدۇم درد پنهانی بن بیماره مطلق اوْلمادی بیر صحّت امکانی ازلدن وار بیر دردیم که یوْقدۇر هیچ درمانی بۇ یئتمزمی که بیر درد آرتۇرۇرسن دردیمه سن هم فضولی هر زمان بیر طعن ایله باغریم قیلۇرسن قان عجب بیلمزمیسن کیم عشقدن گئچمک دگۆل آسان بیلۆرسن دۆشمۆشم بیر درده کیم یوْقدۇر آنا درمان بۇ یئتمزمی که بیر درد آرتۇرۇرسن دردیمه سن هم 🔹قِیناق: – لیلی و مجنون، تألیف: ملّا محمّد فضولی، کاتب: میرزا عبدالصمّد ابن کربلای حسن تبریزی، نشر: تبریز، فی شهر جمادیالأول سنه ۱۲۶۴ قمری (۱۸۴۸م.)، یپراق: ۸۷. شنبه ۲۳ اردیبهشت ۱۴۰۲ May 13, 2023
برچسب های :
دیدگاه های ارسال شده توسط شما، پس از تایید توسط پایگاه تحلیلی و خبری آسانیوز در وب سایت منتشر خواهد شد
پیام هایی که حاوی تهمت یا افترا باشد منتشر نخواهد شد
لطفا از تایپ فینگلیش بپرهیزید. در غیر اینصورت دیدگاه شما منتشر نخواهد شد.