✍️#رامین_جهانگیرزاده سَپیلمیشم توْخوم تک من گئجه تارلاسێندا بیتمیشم چیچک کیمی قارانلێق هاواسێندا ساچێم ایشێق تک پارلاق پارلانمێشام گۆموش تک اۇچورام گؤکلرده من قانادلانێپ آغ قۇش تک هر کیم منه اوْخشاسا ایشێقلانار گؤکلرده منیم کیمی یاشاسا نغمه اوْلار دیللرده هر کیم منه خوْش باخسا قارانلێقدا ساچێلار ایشێقلی بیر گۆل کیمی چیچک آچار، آچێلار هر کیم منه […]
✍️#رامین_جهانگیرزاده
سَپیلمیشم توْخوم تک
من گئجه تارلاسێندا
بیتمیشم چیچک کیمی
قارانلێق هاواسێندا
ساچێم ایشێق تک پارلاق
پارلانمێشام گۆموش تک
اۇچورام گؤکلرده من
قانادلانێپ آغ قۇش تک
هر کیم منه اوْخشاسا
ایشێقلانار گؤکلرده
منیم کیمی یاشاسا
نغمه اوْلار دیللرده
هر کیم منه خوْش باخسا
قارانلێقدا ساچێلار
ایشێقلی بیر گۆل کیمی
چیچک آچار، آچێلار
هر کیم منه خوْر باخسا
قارانلیقدا بوْغولار
اۆرگینده بایقۇشلار
یۇوا سالار، دوْغولار
ابدی بیر چێراغام
من اۇلدوزام سؤنمَـزم
حقیقتین اۇغروندا
اؤز یوْلومدان دؤنمَـزم