✍️حاضیرلایان: #اوْلجای_مرآتی 🔸آغلار- گۆلر (قوْچ، فروردین): بو هفته سیزه گۆجلو بیر هفتهدیر. پول، گلیرلر و ایشیزه اوْداقلاناجاقسێز. گۆنشین طالعیزده پارلاماسێ هم مادێ وارلێقلار و هم چئورزده اوْلان هر هانسێ وارلێغی اؤنمسهمڲیزه باعث اوْلاجاق. فلسفی دۆشونجهلر و یاشاما باشقا بیر آچێدان باخماق چوْخ ایلگینجدیر. مجازی دنیا و یالان رئکلاملارا اینانمایێن و اؤز دینج یاشایێشیزی تهلوکهیه سالمایێن. […]
✍️حاضیرلایان: #اوْلجای_مرآتی
🔸آغلار- گۆلر (قوْچ، فروردین): بو هفته سیزه گۆجلو بیر هفتهدیر. پول، گلیرلر و ایشیزه اوْداقلاناجاقسێز. گۆنشین طالعیزده پارلاماسێ هم مادێ وارلێقلار و هم چئورزده اوْلان هر هانسێ وارلێغی اؤنمسهمڲیزه باعث اوْلاجاق. فلسفی دۆشونجهلر و یاشاما باشقا بیر آچێدان باخماق چوْخ ایلگینجدیر. مجازی دنیا و یالان رئکلاملارا اینانمایێن و اؤز دینج یاشایێشیزی تهلوکهیه سالمایێن. انسان هر نه قدر بو مادی دنیایا باغلانسا اوْندان ال اۆزوب معنویاتا دوْغرو گئتمهسی چتین اوْلار.
🔸گۆلنآی (بۇغا، اردیبهشت): گۆنشێن طالعیزده پارلاماسێ ایشلریزی سهمانلایێب، اؤزۆزه انرژی وئرمک امکانی یارالدێر. یاخجێ و اوْلوملو دوروملار سیزه چکیلیر و ایشلر یوْلوندا ایرهلیلهییر. بیر طرفدن ده طالعیز پول و مادی دوروموزا اوْداقلانێب، زنگینلشمهڲیز اۆچون نه گؤزل بیرلهشیم! بو دوروملار ایللر اؤنجهدن چالێشدیقلارێز و یاتێریملاریز اۆچون امکان تاپێب. سیزه بیر رجادا بولونورام، قێرنیسلیقدان ال چکین، پولو سئودیکلریز و لازم اوْلان یئرلره خرجلهمکله اوْنون چوْخالماسێنا امکان تاپارسێز.
🔸قیزاران آی (ائکیزلر، خرداد): گلهجڲه برنامه تؤکۆب، تصمیم توتماغا ان اویغون زماندێر. فرقیلی و داها گؤزل بیر یاشام یاراتماق اۆچون نه ایشلر گؤرمهلیسیز؟ آرتێق بونلارێ دۆشونمک وقتیدیر. یئنی دڲیشیملره نه ایشلر گؤرمهلیسیز؟ آماجلارێزی آیدێنلادین و سیزه داها اؤنملی اوْلانێ بیلین. آماجلارێزی بیلمک داها یاخجێ تصمیم توتماغێز و گلهجڲی داها آرتێق کنترل ائتمڲیزه یاردێم ائدر و البته مالی قایناقلارێزی مدیریت ائمهڲیزه امکان یارالدار.
🔸قوْرا پیشیرن (یئنگج، تیر): بیر هفته مدتینده سئویملی اوْلماغێز دوام ائدهجک. دۆشونجهلریزی هر کسله پایلاشماق راحاتدێر و سیز اوْنلاردان اؤزگۆرجهسینه دانێشا بیلیرسیز. هر کس سیزی دینلهییب، گؤزل دۆشونجهلریزی آلقێشلایا بیلر. بلکه ایش یئرینده ده درجهزین یۆکسلمهسینه فرصت یاراندێ. هر کسین عؤمرۆنده تکجه بیر دفعه بؤیۆک دڲیشیملر یاراتماغا امکان تاپێلار، سیزین یاشام دڲیشیملریز بو هفتهدن اعتباراً باشلانێر. ساغلاملێغیزی قوْرویون و یئمکلریزده دقتلی اوْلون.
🔸قۇیرۇق دوْغان (آسلان، مرداد): آرتێق بو ایلن دؤنۆش نقطهسینه چاتێبسیز. رئیس، والدین و اؤزل آداملار سیزی آلقێشلایێر اؤز حمایهسینده ساخلایێر. سیز بونلارێ اله گتیرمڲه ائله بیر ایش گؤرمۆرسوز، آنجاق بختیزین یار اوْلماق چاغێ دیر دئمک. گلن هفتهیه کیمی اؤنملی آداملارێن بیر چوْخونو ائتگیلندیره بیلرسیز. ایستهدیڲیز ایشی گؤرۆن، ایستهدیڲیز سؤزۆ دانێشین و لازم اوْلان ایستکلریزی دیله گتیرین، بو هفته یوْخ اێشیتمییهجکسیز.
🔸زۇمار (باشاق، شهریور): عادی و تکراری یاشامێ بوراخێب، یئنیلیکلر یاراتماق و یاشایێشیزین یئنی یوْنلرینی کشف ائتمهڲی دۆشونورسوز. سفره گئده بیلمهسز ده، اؤز شهریزین تانێمادیغیز بؤلۆملرینی تانێماغا چالێشین. یئنی بیلگیلر هێجان وئریجیدیر. اوْرتاق یاشامێز ایستی و اێشیقلی گؤرۆنور. صمیمیتیز چوْخالاجاق و عائله عضولریله داورانێشلاریزی دۆزلتدیکجه، اضطرابلارێز آزالێب، استرسلره سوْن قوْیولوب، ایشلر یوْلونا دۆشهجک.
🔸خزل (ترازی، مهر): چئشیدلی دلیللره گؤره بیمه، مالیات، ارث و اوْرتاق ماللار اۆزره داها چوْخ اوْداقلاناجاقسێز. بو مسائلین سیزه اؤنمی چوْخدور. بوْرجلارێزی آزالتماغا بیر یوْل دۆشونمهلیسیز. سێنیرلاریزی تعیین ائدین و اؤنۆزه گلن فرصتلری دڲرلندیرین. سیزین چئورزدهکیلردن اوْلان انتظارلارێز معلومدور، بو ایستکلردن اوْنلارا دانێشێن و اؤز منطقی داورانێشلارێزلا هم اؤزۆز و هم اوْنلارێ راضی ساخلاماغا چالێشین.
🔸قیروْو (عقرب، آبان): بو هفته اؤزۆزو چوْخ یوْرقون حسّ ائدیرسیز و یاتماغا احتیاجێز وار. چئورزده اوْلانلاردان یاردێم ایستیین و بیر اوزمان، وکیل، روانشناس و یا دؤکتۆرله مشورت ائتمکله ایشیزین دۆز قاباغا گئتمهسینه چالێشین. اؤزل ایلیشگیلرده اؤز کیملیڲیز و نئجه داورانماغێزین اهمیتینی آنلایاجاقسێز. ایستکلریزی بیلین و کیمین بو حقده سیزه نه ائده بیلهجڲینی ده اؤڲرهنین. آرتێق یالقێز و تک باشێنا قالماق وقتی دڲیل، بیریلری ایله ال- اله وئرمکله ایشلریزی یوْلونا سالا بیلرسیز.
🔸آزر (یای ، آذر): آزرلر چوْخ یارارلێ و باشارێلی چالێشیرلار. یاشایێشیزین داها یاخجێ اوْلماسێنا نه ائدهجڲیزی یاخجێ بیلیرسیز. ان دۆزگون اوْلماق اۆچون بعضی یوْنتملریزی دڲیشدیرمهلیسیز. بو هفته سئوگی ماجرالارێ، ورزشی مسابقهلر و اجتماعی گؤرۆشلر سیزی اؤزۆنه سارێ چکیر. طالعیزدن آسێلی اوْلاراق امکداشلارێزین بعضیلری ایله تارتێشمالارێز اوْلاجاق. بیرآز سیاستلی اوْلون و اؤزۆزو یئرسیز زحمت و چتینلیڲه سالمایێن.
🔸چیلله (اوْغلاق، دی): آرتێق طالعیز اڲلنجه اۆزره گزیر. اؤزۆزو راحاتجاسێنا گؤرستمک، اؤزگۆرجهسینه دانێشماق و اؤز گئرچک کیملیڲیزی اوْرتایا قوْیماق زمانێدیر. هر نه قدر ده آماجلارێزا اوْداقلانساز و ایشلریزی دۆز یئرینه گتیریب، هر کسین آلقێشینی قازانساز، یئنه ده اڲلنجه و ایشین هیجانلێ طرفینی اونوتمایێرسیز. بیر قوْناقلیق یا یێغینجاغا دعوت اوْلونساز، بو دعوتی قبول ائیلیین و اوشاقلارلا اوْلماق، ایدمان، فیلمه باخماق، تئاتر، موسیقی اجرالارێ و مسافرتدن باشاردێغیز قدر لذت آپارێن. هئچ بیر دورم سوْنسوزا کیمی دوام ائتمییهجک بو اۆزدن یاشامێزا دوام ائدین و اوْندان لذت آپارێن.
🔸دوْندۇران آی (قوْوا، بهمن): قوْوالارێن بیر چوْخو یارێشلار، رقابتلر و ایدمانا اوْداقلانێبلار، اما بو آرادا بیر عدهلری ده، ائو، عائله و اؤزل یاشاملارێنی نظرذه توتورلار. بیر عده والدینی ایله اوغراشێر و بیر عده ده ائو تعمیراتێنا مشغولدور. آنجاق بونلارێن هامێسیلا بیرلیکده لطفاً آرام اوْلون، ریلکس ائیلین و اؤزل یاشامێزدان لذت آپارێن. گۆندم ایشلرین چوْخلوغونا باخمایاراق، مسافرت قاباغا گلسه، گئدین و چئورزدهکیلرله ایلتیشیمه گیرمکدن چکینمهیین.
🔸بایرام (بالیقلار، اسفند): بو هفته چوْخ حێزلی قاباغا گئدهجک. قیسسا سفرلر، باجێ- قارداشلا دانێشماق، یازیب- اوْخوماق، گؤرۆشلر و بیر کلمه گؤرهولریز چوْخالاجاق. طبیعی اوْلاراق ایشلریز چوْخالێب، بو ایشلرین بعضیسی یئرسیز و معناسێزدیر. ائوین دکوراسیونون دڲیشمک، قازانجلارێزی آرتێرماق اۆچون یانلێش تصمیملر توتماق و لازم اوْلمایان نسنهلری آلماق بوندان عبارتدیر. سیز اؤزۆز و عائلهزه ارزشلی نسنهلر آلا بیلرسیز، آنجاق هر گؤزل بیر زاد ارزشلی دئمک دڲیل.
برچسب های :
دیدگاه های ارسال شده توسط شما، پس از تایید توسط پایگاه تحلیلی و خبری آسانیوز در وب سایت منتشر خواهد شد
پیام هایی که حاوی تهمت یا افترا باشد منتشر نخواهد شد
لطفا از تایپ فینگلیش بپرهیزید. در غیر اینصورت دیدگاه شما منتشر نخواهد شد.