نتایج بیشتر...
حاضرلایان: #شبنم_توحیدی باپبالاجا داملا بۇلودلارێن آراسێندان یئره بوْیلاندێ: – آی آمان، بۇ نه گؤزللیکدیر!؟ – بۇ گؤزللیڲی ده سنین کیمی داملالار یارادیبلار! – بۇلود گۆلۆمسوندو. – سیز اوْلماسایدینیز، هر یان قۇپقۇرو قورویار، یئر اۆزۆنده بیر جانلێ بئله قالمازدێ. – بس اقیانوسلار، دنیزلر، چایلار، گؤللر؟ – اوْنلار دا داملاردان عبارتدیر، بالاجا! بس ائشیتمهمیسن کی، دئییرلر «داما […]
حاضرلایان: #شبنم_توحیدی باپبالاجا داملا بۇلودلارێن آراسێندان یئره بوْیلاندێ: – آی آمان، بۇ نه گؤزللیکدیر!؟ – بۇ گؤزللیڲی ده سنین کیمی داملالار یارادیبلار! – بۇلود گۆلۆمسوندو. – سیز اوْلماسایدینیز، هر یان قۇپقۇرو قورویار، یئر اۆزۆنده بیر جانلێ بئله قالمازدێ. – بس اقیانوسلار، دنیزلر، چایلار، گؤللر؟ – اوْنلار دا داملاردان عبارتدیر، بالاجا! بس ائشیتمهمیسن کی، دئییرلر «داما – داما گؤل اوْلار»؟ – تک؟ یقین کی، یوْخ! سیز داملالار بیرلیکده گۆجلۆ اوْلورسونوز. بالاجا داملا دقّتله قۇلاق آسسا دا، تمام باشقا شیء فکرلشیردی: «بۇرالاردا اوْنسوز دا منه احتیاج یوْخدوْر. هر یئر یامیاشێلدیر. دئیییرلر، اۇزاقلاردا صحرالار وار. اوْرادا بیر داملا سۇ بئله قیمتلیدیر. گئدیم اوْرالارێ تاپێم!» حیرتینی گیزلَده بیلمهدی: داملا بۇلودون ایچینده صحرانێن اۆستۆنه گلدی. آشاغێ بوْیلاندێ: – آی آمان، بۇرا نه گۆندهدیر؟ هر یان قۇپقورو قۇملوقدور کی! من یازێق، بالاجا جانێملا بۇ بوْیدا یئرده نه ائده بیلرم؟ قایێدیم، دوْستلارێمی دا چاغێریم، بیرلشیب، صحرا آدلانان بۇ یئری جانلاندێراق. گئری قایێتماق ایستهییردی کی، بیر نئچه قارێشقا دقّتینی جَلب ائتدی. سۇسوزلوقدان الدن دۆشموش قارێشقالار فکره گئتمیشدیلر: – کاش کی، بیر دامجی سۇیوموز اوْلسایدێ… اؤزۆمۆزه گلردیک! سوْنرا یوْلۇموزا دوام ائدریک – دییه قارێشقالاردان بیری دیللهندی. – بۇ قۇپقورو صحرادا بۇنو آنجاق یۇخودا گؤره بیلرسن! – اوْ بیری قارێشقا اوْنا جواب وئردی. بؤیله گئتسه، اۆچۆموز ده سۇسوزلوقدان اؤلهبیلریک. – آنامێز دوْغرو دئییردی کی، یۇوادان چوْخ اۇزاقلاشمایێن، یوْخسا، یوْلۇ تاپمایێب، سۇسوز قالارسێنیز! – اۆچۆنجو قارێشقا آغلامسێندی. – دئمک یالنێز بیر دامجێ سۇ! – بالاجا داملا گۆلومسوندو. – سوْنوندا کی، من ایشه یارادێم! – و اوْ، بۇلودون ایچیندن سێچراییب قارێشقالارین باشێنا دۆشدو! – سۇ! سۇ! – باشدان آشاغا ایسلانمێش قارێشقالار سئوینجله چێغێردیلار. – سۇ تاپێلدی! – اؤزۆمۆزه گلدیک، ایندی ائویمیزین یوْلونو آختارێب تاپا بیلریک! – بیرینجی قارێشقا خوْشبخت حالدا قارداشلارێنا باخدێ. – گئتدیک اۇشاقلار! یوْخسا، یۇواداکیلار نگران قالدێلار. آز سوْنرا یۇوایا چاتان بالا قارێشقالار سئوینجله آنالارێنین قوْینۇنا آتێلدیلار: – آنا! آناجان! بیز بیر ده اجازهسیز یۇوادان اۇزاغا گئتمهریک! بالاجا داملا ایسه… قارێشقالارین اۆست – باشلارێندان سۆروشوب، توْرپاغا دۆشن کیمی، قۇپقورو توْرپاق آجگؤزلۆلۆکله اوْنۇ اؤز ایچینه چکدی و داملانێن یئنی سیاحتی باشلادێ. «بۇلود بابا دئییردی کی، گۆج بیرلیکدهدیر. گئدیم یئرآلتێ چایلارداکێ داملا دوْستلارێما دئییم، دنیانێن بۆتون داملارێنا چاتسێنلار کی، بۇرادا بیزه چوْخ بؤیۆک احتیاج وار». داملا بالاجا بوْیۇنا یاراشمایان جدّیتله ایشه گیریشدی. سۇسوزلوقدان چادیر – چادیر صحرا ایسه سئوینیردی، اوْنون یاشێللیغا چئوریلهجَڲی گۆنه آز قالمێشدی. 🔹قایناق: portal.az (شنبه ۲ اردیبهشت ۱۴۰۲ – خیاو شهری) @MuncuqAz https://t.me/Sancaq_media/6309
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.