آزادلێق تانریدان سوْنرا تعریفلهین: حاج ابراهیم لطفیزاده ✍یازان: #علیرضا_لطفیزاده بو ناغێل بابامێن خدمت گۆنلریندن رحمتلیک «حاج ابراهیم لطفیزاده» و رحمتلیک خالااوْغلوسو «محمد نعمتی»دن آلێنیبدێر. اؤرگنمه خدمت دورهسی قورتولاندان سوْنرا بیر دوره اؤرگنمهلره داها آرتێردیلار. آنجاق رزم پالتارێ و پوْتونلارێ تازالییپ گئینمکدهیدیک کی، جار سالدێلار «سپهبد یزدانپناه» اوردویا باشچکمڲه و رژهیه باخماق اۆچون گلمکدهدیر. سپهبد اوردویا […]
آزادلێق تانریدان سوْنرا تعریفلهین: حاج ابراهیم لطفیزاده ✍یازان: #علیرضا_لطفیزاده بو ناغێل بابامێن خدمت گۆنلریندن رحمتلیک «حاج ابراهیم لطفیزاده» و رحمتلیک خالااوْغلوسو «محمد نعمتی»دن آلێنیبدێر. اؤرگنمه خدمت دورهسی قورتولاندان سوْنرا بیر دوره اؤرگنمهلره داها آرتێردیلار. آنجاق رزم پالتارێ و پوْتونلارێ تازالییپ گئینمکدهیدیک کی، جار سالدێلار «سپهبد یزدانپناه» اوردویا باشچکمڲه و رژهیه باخماق اۆچون گلمکدهدیر. سپهبد اوردویا باش چکیپ، سانا چێخدی. ساواشچێلار صفه دوروپ رژه گئتماغا حاضرلشدیلر. بیزیم گروهان یاخشێ حالدا رژه گئدیپ و سپهبددان «چوْخ یاخشێدیر»ی آلاندان سوْنرا امر وئردیلر کی، بو گروهان آذربایجانا گئتماغا حاضرلشسینلر. بیزیم گروهان هامیمێز آذربایجان و تۆرک ایڲیدلر ایدیک. چوْخ سئوینرکن کی، آذربایجان و آنا یوردوموزا گئدیریک، آسایشگاها قاچێپ و حاضرلاشماقدایدێق کی، دئدیلر گروهان آذربایجانا گتمییپ درحال بیر ایکی ساعات آزاد شهرده آلقێش اۆچون گزمڲه گئده بیلرلر. ساواشچێلارلا بیرلیکده بیرآز کدرلندیک، اما دای چاره یوْخ ایدی. سوْنرا بیلدیک کی، آذربایجاندا «پیشهوری» آدلێ کئچهجک مجلس وکیلی دؤنۆکلوک هارایی ووروپ و اؤزۆنه بیر اوردوسو وار. سپهبد بیلرکن امریندن دؤنۆپ و آیرێ گروهانی آذربایجانا گؤندریپ. منه سوْروش گلرکن یۆزباشێمدان سوْروشدوم: «نه اوْلدو؟ بیز نییه آذربایجانا گتمهدیک؟» دئدیلر: «سپهبد بیلرکن کی سیزلر آذربایجانلێسیز قوْرخوپ و دئدی بولار آذربایجانا گئدیپ پیشهوری اوردوسونا قوْشولسالار، داها آذربایجانێ الدن وئرهریک.» آیرێ گروهان کی، منیم خالا اوْغلوم دا اوْ گروهاندایدێ، آذربایجان و کۆردیستانا طرف گئتدیلر. خالا اوْغلومون دیلندن ائشیتدیم کی، بیزیم اوردو کۆردیستاندا، یاغی کۆردلرله محاربهیه گیریرلر، اما یاغیلر بونلاری درهنین ایچینده گیره سالێپ و چوْخلارێنی اؤلدۆردولر. من و بیر آیرێ یوْلداشێم بیر بؤیۆک قیهنین آلتێندا گیزلندیک. توپ و تفنگ آچێلماسی قورتولانان سوْنرا کۆردلر بیزی قیهنین آلتێندان تاپێپ، اسیر ائدرکن کنده آپاردێلار. بیزیم ال آیاغمیزی باغێلییپ و تنگهیه آتێپ، کند اهلینی چاغێردیلار. بیزی اؤلدۆروپ و اوْنلار باخسێنلار. ائله بو حالدا کی، اشهدیمیزی اوْخوردوق بیر چیپ و نئچه کامیون کنده گیریپ و های دۆشدو آذربایجان اوردوسو (پیشهوری اوردوسو) گلدی، بیزلردن آد و سانێمیزی خبر آلاندان سوْنرا، قوْل – قێچمیزی آچێپ، تربیزه (تبریزه) سارێ آپاردێلار. تربیزده بیر پارا سوْروشلار سوْروشوپ، بیر نئچه گۆن قوْناق ساخلێیاندان سوْنرا بوراخدێلار. #سون
برچسب های :
دیدگاه های ارسال شده توسط شما، پس از تایید توسط پایگاه تحلیلی و خبری آسانیوز در وب سایت منتشر خواهد شد
پیام هایی که حاوی تهمت یا افترا باشد منتشر نخواهد شد
لطفا از تایپ فینگلیش بپرهیزید. در غیر اینصورت دیدگاه شما منتشر نخواهد شد.