نتایج بیشتر...
یازان: #رسول_قدیری 🔷(یئنی یئتمهلر اۆچون حکایه) اۆچونجو بؤلۆمون دوامی خوْروزلارلا بئچهلر دیوارلارین اۆستونده نوبتله کئشیک چکیب، یوْرۇلونجا یئرلرینی دَڲیشیردیلر. فریکلر بوْللو کاغیذ تیکهلری ایله چؤر – چؤپله نینین تاوانێنداکی باجانێ باسدیریب، نینه قایێتمیشدیلار. لارێ بئچه یاریمآچیق قاپینین آرخاسێندا اوْتوروب گؤزلهییردی. ایریبۇد فریک حیطده، نینین قاپیسی اطرافیندا گزیشیردی. کۆله بئچه ایسه بۆتون بونلارا یاخێندان گؤز قوْیموشدو. […]
یازان: #رسول_قدیری 🔷(یئنی یئتمهلر اۆچون حکایه) اۆچونجو بؤلۆمون دوامی خوْروزلارلا بئچهلر دیوارلارین اۆستونده نوبتله کئشیک چکیب، یوْرۇلونجا یئرلرینی دَڲیشیردیلر. فریکلر بوْللو کاغیذ تیکهلری ایله چؤر – چؤپله نینین تاوانێنداکی باجانێ باسدیریب، نینه قایێتمیشدیلار. لارێ بئچه یاریمآچیق قاپینین آرخاسێندا اوْتوروب گؤزلهییردی. ایریبۇد فریک حیطده، نینین قاپیسی اطرافیندا گزیشیردی. کۆله بئچه ایسه بۆتون بونلارا یاخێندان گؤز قوْیموشدو. اوْ گۆن تۆلکۆدن خبر چێخماسا دا، هامی اؤز گؤرهوینی مشق ائتمیش اوْلدو. آخشامچاغی اوزاقدان گلن ائو یییهسی گؤرۆنن کیمی، بۆتون دیوار اۆسته کئشیک چکن خوْروزلار، حیطه ائنیب نینه کئچدیلر. ائو یییهسی حیطه کئچن کیمی نینین قاپیسینی باغلادێ. حوض باشێندا أل – آیاغێنی، جورابلارینی و اۆزۆنۆ یویان کیمی ایچرییه کئچدی. اوْ گئجه چوْخ سؤز دانێشیلمادی. تکجه کۆله بئچه، – بو گۆن تۆلکونون گلیشینی گؤزلهمیردیم. دۆنن بیزلردن بیرینی توتوب، یئدیڲی اۆچون توْخ ایدی. آنجاق صاباح گلیش احتیمالی چوْخدور. قوْی گلسین، هر شئی حاضیردیر. بو گۆن ده پیس اوْلمادی. گؤرۆلمهلی ایشلریمیزی گؤرۆب، گؤرهولریمیزی مشق ائتمیش اوْلدوق. ایندی ایسه هامێمیز یوْرغونوق. صاباح گۆجلو اوْلماغیمیز اۆچون تئز یاتماغێمیز گرهکیر. صاباح بؤیۆک گۆندۆر. دیللره دۆشهجک ظفر گۆنۆموزدور. هر کسه گؤزل یوخولار، شیرین رؤیالار – دئییب، گؤزلرینی یومدو. هامێ گئجهنیز خِیرلشیب اۇیودولار. یئنه سحره یاخین آغساققال خوْروز بانلاماغێ ایله هامێنی یوخودان آیێلتدی. هر سحر گؤرۆلن ایشلر گؤرلدۆ. ائو یییهسی ائودن چێخینجا خوْروزلار ایله بئچهلر دیوارلارین اۆستونده، گؤرهولرینین باشینا کئچدیلر. لارێ بئچه نینین قاپیسینی یاریمباغلی حالا گتیریب، آرخاسێندا اوْتوردو. ایریبۇد فریک حیط طرفینده، نینین قاپێسی اطرافیندا گزیشمَـڲه باشلادی. ایکی – اۆچ فریکله بئچه حیط قاپێسینین ائشیڲینده، آیێق – سایێق گزیشیردیلر. قالان توْیوقلار، خوْروزلار، بئچهلر ایله فریکلر نینین یوخاری رفلرینه دۆزۆلوب گؤزلهییردیلر. ناهار اؤینهسینه کیمی بیر خبر اوْلمادی. دیوار اۆستونده کئشیک چکنلر، بیر کز نوبتلرینی نیندهکیلرله دَڲیشدیلر. #آردی_گلن_سایێدا…
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.