نتایج بیشتر...
یازان: #دکتر_سیدمجید_جوادیزیوه بیرینجی بؤلۆم آسلان مات و مبهوت گؤزلرینی اۇزاقلارا تیکیب، درین فیکره گئتمیشدی. کیپریک وۇرموردو، ائلهبیل روح بدنیندن چێخیب، عالم ملکوته سفر ائلهییب. قافلان اۇجادان اؤسکۆردو، «اؤهۆ…» خیر آسلان ترپشمهدی! قافلان گئنه «اؤهۆ…» اصلاً آسلان ترپشمهدی. قافلان اۇجادان: «آسلان قارداش، سلام علیکم!» گئنه ده آسلان نه سس وئردی نه دبردی. قافلان یقین ائلهدی کی، آسلانێن […]
یازان: #دکتر_سیدمجید_جوادیزیوه
بیرینجی بؤلۆم آسلان مات و مبهوت گؤزلرینی اۇزاقلارا تیکیب، درین فیکره گئتمیشدی. کیپریک وۇرموردو، ائلهبیل روح بدنیندن چێخیب، عالم ملکوته سفر ائلهییب. قافلان اۇجادان اؤسکۆردو، «اؤهۆ…» خیر آسلان ترپشمهدی! قافلان گئنه «اؤهۆ…» اصلاً آسلان ترپشمهدی. قافلان اۇجادان: «آسلان قارداش، سلام علیکم!» گئنه ده آسلان نه سس وئردی نه دبردی. قافلان یقین ائلهدی کی، آسلانێن روحو قفسدن اۇچوب. آسلانی برک قۇجاقلادێ، هؤنکۆرتمه چالدێ: «ای وای قارداشێم، ای وای، ای وای الله، نه کۆل اوْلدۇ باشێما؟ آسلان جان سنی جدّین، منه سس وئر هی چێغێر…، باغێر…» اصلاً- ابداً آسلاندان سس چێخمادی. قافلانێن گؤزلریندن نئیسان بۇلودو کیمین یاش تؤکۆلوردو. آسلانی قبلهیه اۇزاتدێ، الینی چکدی آسلانێن اۆزونه، گؤزلرینی باسدێ، یاسینی باشلادێ: بسم الله الرحمن الرحیم یاسین….. یئتیشدی «قیل الدخل الجنه» آسلان آیێلدی، گؤزلرینی آچدێ، قافلان آسلانێ قۇجاقلادێ اؤپدۆ: – قارداش باشێوا دوْلانێم، قادان آلێم، سنه نه گلمیشدی؟ نییه بئله اوْلدۇن؟ آسلان: – بیر آز سو وئرین منه، خارابادی جنّت دڲیل کی، یاندێم سوسوزدان! قافلان: – آسلان جان، بو سؤزلر ندی؟ هوش- باشێن چاشێب، هذیان سؤیلهییرسن. اوْغلان سنه نه گلیب؟ کیم ووردو باشێندان؟ آسلان: – نگران اوْلما، هئچ کیم منی وۇرمایێب. فضای مجازیده ایدیم. بیردن جنّتین قاپێسی آچێلدی، شێپ دۆشدوم بهشته. الله سیزه گؤرستمهسین، فقط و فقط یهودیلره گؤرستسین. جنّت قۇپ- قۇرو، بیر دامجێ سو یوْخ، چؤرهک یوْخ، سوْغان کرتوب یوْخ، یۇمورتا یوْخ، بال- کره یوْخ، پیلوْو- چیلوْو، کاباب- شیشلیک، جوجه- بالێق یوْخ، شراب، پپیسی، کوکا کولا، آیێران یوْخ، پۆسته- بادام یوْخ، خلاصه هر یانی آزار، درد، طاعون، کرونا، باش آغرێ، قیچ آغرێ، بئل آغرێ، پروستات، قیزیلجا، سکته ووووو تۇتموشدو. قافلان: – حوریلر نه؟ حوریلردن دئ. آسلان: – آی بابا، قارداش، حوری یوْخ، خوخان- آلئیبانی، قاپ- قارا بۇینوزلو هرهسینین بئش- آلتی الی وار، بئش- آلتی قێچی، اۆچ دنه باشێ، هر باش بیر رنگده. اصلاً چوخ وحشتناک! پیشیک گؤرسه سکته ائلییر آدام کی هئچ. هئی ایستیردیله منی تۇتسونلار، من قاچێردیم. او قدر قاچمێشام دیزلریم پاتدێییر. الله فقط یهودیلره گؤرستسین، هئچ کیمه گؤرستمهسین. قافلان: – اوْلان (اوْعلان) سن جهنّمه گئدیبسن! آسلان: – یوْخ قارداش حق جدّیوه آند اوْلا، آسلان جانی، اسلام جانی، قاپێسیندا یازمێشدی «گیرین جنّته» من ده تعجب ائلهدیم نییه بئلهدی سوْرۇشدوم، دئدیله والله نئچه ایلدی جنّتین مسئولون دئیشیبله اوْدۇر بو کؤکه قالێب. افسوس! افسوس! افسوس! قافلان: – اینترنت زاد نه جۆر ایدی؟ آسلان: – اوْردا اینترنت قاداغادێ، اصلاً گوشی موشی یوْخدۇر، هامی راحت. من ائله نتیم قۇتاردی اوْردا گیر ائلهدیم گئج گلسئیدین قیامته جن قالاجاغیدیم اوْردا. قافلان: – جنّتده کیمی گؤردون؟ آسلان: – امیرکبیری گؤردوم دئدی اوْیاندا نه خبر؟ ناصرالدّین شاه نئجهدی. دئدیم ناصرالدین چوْخدان دنیاسێن دڲیشیب. اوْندان سوْنرا چوْخ شاهلار گلیب- گئدیب، حکومت دڲیشیلیب.
ایکینجی بؤلۆم قافلان: – دای کیمی گؤردۆن بو تزهلردن؟ آسلان: – رفسنجانینی گؤردۆم. قافلان: – یاخجێ، نه وضعده ایدی؟ نه دئدی؟ آسلان: – بتر ساققال چیخارتمێشدی. ساققالێن ایچینده ائتمیشدی، او دا هئی قاچێردی. دئدیم: «نییه قاچێسان آیتالله رفسنجانی؟» دئدی: «حوریلرین الیندن قاچێرام، گؤرورسن کی هامێسی خوخاندێ.» سوْرۇشدو: «ایراندا نه خبر؟» دئدیم: «هامێ سنه رحمت یوْللۇیور، یاسین اوْخۇیور، ایراندا کئفدی.» دئدی: «تورّم زاد یوْخدۇر؟» دئدیم: «حاج آقا، تورّم ندی؟ اصلاً پول یێغیشیلیب. هر شئی مۆفته، هر هفته بیر وانت گلیر قاپێدا دایانێر قوْیۇن اتی، شیشک اتی، جؤنگه اتی، دۆڲی، میوه، موز، آناناس، آرمود، گیلاس، توْیۇق، بیلدیرچین، آهو اتی، دوه اتی، آغ بالێق، لاوایی بالێق، قێزیل بالێق، آجیل، پۆسته، بادام، خلاصه هر نه دنیادا وار، درجه بیر، عالی، مۆفته ائوی انباری دوْلدۇروروق. کئفدی کئف! هر آی بیزی مۆفته آپارێب دنیانی گزدیریرلر مکه، مدینه، کربلا، مشهد، شیراز، اصفهان، آتن، قبرس، آنتالیا، ایتالیا، فرانسه، کانادا، آمریکا، خلاصه هامێ ملّت سیزه دعا ائلییرلر، یاسین اوْخۇیوللار.» سوْرۇشدو: «دلار نه وضده؟» دئدیم: «تؤکمۆشوک سامانلێغا، سامان یئرینه ایشلهدیریک، اؤکۆزلر یئمیر، آما ائششکلر هردن بیر آغیز.» دئدی: «اینترنت نجۆردی؟» دئدیم: «گۆنده بیر بوْشگا قاپێدا گتیریب دوْلدۇروللار.» بئچارا آغلادێ- دئدی: «بونلار هامێسی منیم خدماتیمدی حئیف اؤزۆم محرومام!» دئدیم: «حاج آقا آغلاما، سنی بۇردان آپاررام.» دئدی: «هیهات! هیهات! هیهات! اصلاً! اصلاً! ابداً! ابداً! من گله بیلمم، قێچیما نکیر و مُنکر دستگاه باغلایێبلار بیرآز اوْیانلێق گئتسم ساققالیم یانا ر، افسوس، بو دا صادقانه خدمتین نتیجهسی!!! قافلان: – یازێغا اۆرهڲیم یاندێ. آمریکادان سوْرۇشمادێ؟ آسلان: – نییه! دئدیم آمریکا بیزیم نوکریمیزدی، یئرلریمیزی اکیر- بیچیر، طؤیله، باجایا یئتیشیر، آتـێمیزا قشوْو چکیر، تمام دؤولتلر بیزیم خدتمتیمیزدهدیلر، آلمان بیزه ماشێن دۆزهلدیر، فرانسه چؤرهڲیمیزی یاپێر، روس قوْرۇقچوموزدو، چین بیزی دالێنا آلێـر گزدیریر، ایتالیا شیرینیمیزی، نزیڲیمیزی، پیتزامیزی وئریر، شوروی فتیریمیزی پیشیریر آشپازیمیزدی، تورکیه پالتارێمیزی- پردهمیزی تیکیر، هامێ بیزیم خیدتمتیمیزدهدی نگران اوْلمایێن. دئدی: «اسرائیل نه؟» دئدیم: «او بیرآز چاشمێشدی، بیزیم بیر کوْر قاطیریمیز وارێدی چوْخ چاشمێشدی، اسرائیل ائله اوْنا اوْخشۇیور، نگران اوْلمایێن حاج آقا، او دا دؤزهلر! قافلان بیر باشێن توْولادێ دئدێ: – آسلان قارداش دای نه دئدین؟ هه هه هه! آسلان: – حقیقتی دئدیم، بۆلبوللر اوْخۇر، چهچه وورور باغدا گۆل اۆسته. تنگهلریمیزی ده، لبنانێن گؤزللری صفه دۇروب، بیزه تعظیم ائیلهییب، بیر جام شرابا طهورا وئریللر، خیابانلاردا حوریلر، ماراللار، جئیرانلار، ملکلر، نازلانا- نازلانا گزیرلر، آدامێن یۆز دنه ده گؤزو اوْلسا تاماشا ایچین، آزدی. مخصوصاً زیوه ده، تبریزده، گوهردشتیده، هیرودا. قونشونلاردان بیری دئدی: – یازێق آسلان، یا شیشه چکیب یا پنیر! او تیکه- پارادان دا اوْلدۇ. قافلان: – آی بدبخت! قافلان قارداشدان دا خیر گؤرمهدین! آسلان قارداش جنّتده تۆرکی دانێشدین یا فارسی؟ آسلان: – استغفرالله بو نه سئوالدی؟ جنّت کلاً تۆرکودو ! قافلان: – آخێ رفسنجانی کی فارس ایدی. آسلان: – یوخ بابا او اصل تۆرک ایدی، سیاست اهلی ایدی، قوْرخۇسوندان دئیرمیش من فارسام، جنّتده بۆلبول کیمین تۆرکو دانێشیردی. قافلان: – زَهَره چێخسین بو سیاستی! هر شئی قاتێب بیر- بیرینه، پس اوْنا بیر یاسین اوْخۇرام. #سون
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.