نتایج بیشتر...
کؤچۆرن: #محمود_بنیآدم_دیزج بیری وار ایمیش، بیری یوْخ ایمیش، بیر قارێ ننه وار ایمیش. بۇ قارێ ننهنین جئیران گؤزلۆ، مارال دۇرۇشلۇ، قۇیرۇغۇ ساچاقلێ، آلنێ قاشقا بیر بیزوْوۇ وار ایمیش. گۆنلرین بیر گۆنۆنده، شاختالی بیر قێش گۆنۆنده قارێ ننه بیزوْوۇنۇ سۇوارماغا آپاردێ. بیزوْو بۇزۇن اۆستۆنه چێخان کیمی آیاغی سۆرۆشدۆ، یئره یێخێلدێ. قارێ ننه حرصلندی و اۆزۆنۆ بۇزا […]
کؤچۆرن: #محمود_بنیآدم_دیزج بیری وار ایمیش، بیری یوْخ ایمیش، بیر قارێ ننه وار ایمیش. بۇ قارێ ننهنین جئیران گؤزلۆ، مارال دۇرۇشلۇ، قۇیرۇغۇ ساچاقلێ، آلنێ قاشقا بیر بیزوْوۇ وار ایمیش. گۆنلرین بیر گۆنۆنده، شاختالی بیر قێش گۆنۆنده قارێ ننه بیزوْوۇنۇ سۇوارماغا آپاردێ. بیزوْو بۇزۇن اۆستۆنه چێخان کیمی آیاغی سۆرۆشدۆ، یئره یێخێلدێ. قارێ ننه حرصلندی و اۆزۆنۆ بۇزا تۇتۇپ دئدی: ـ آی بۇز، سن نه گۆجلۆسن؟ بۇز دیله گلیپ قارێ ننهیه بئله جواب وئردی: ـ یوْخ، قارێننه! من گۆجلۆ اوْلسایدێم، گۆنش منی اَریدیپ، سۇیا دؤندرمزدی. قارێ ننه اۆزۆنو گۆنشه تۇتۇپ دئدی: ـ آی گۆنش، سن نه یامان گۆجلوسن؟ گونش دئدی: ـ یوْخ، قارێ ننه! من گۆجلۆ اوْلسایدێم، قارا بۇلۇد منیم قاباغێمێ کسمزدی. قارێ ننه اۆزۆنۆ قارا بۇلۇدا تۇتۇپ اوْندان سوْرۇشدۇ: ـ آی بۇلۇد، سن نه یامان گۆجلۆسن؟ بۇلۇد جواب وئردی: ـ یوْخ، قارێ ننه! من گۆجلۆ اوْلسایدێم، یاغدێغێم سۇلارێ اؤزۆمده ساخلایا بیلَردیم. سۇلارێم یاغێش اوْلۇپ یئره یاغمازدێ. قارێ ننه یاغێشدان سوْرۇشدۇ: ـ آی یاغێش، سن نه یامان گۆجلۆسن؟ یاغێش دئدی: ـ ائله دڲیل، قارێ ننه! من گۆجلۆ اوْلسایدێم، توْرپاق منی اؤزۆنه چکمزدی. قارێ ننه اۆزۆنۆ توْرپاغا تۇتۇپ اوْندان سوْرۇشدۇ: ـ آی توْرپاق، سن نه یامان گۆجلۆسن؟ توْرپاق جواب وئردی: ـ یوْخ، قارێ ننه! من گۆجلۆ اوْلسایدێم، گۆللر، چیچکلر، اوْتلار و آغاجلارمنیم شیرهمی سوْرا بیلمزدی. قارێ یاواش ـ یاواش گلیپ چمنه چاتدی، اۆزۆنۆ اوْتلارا تۇتۇپ سوْرۇشدۇ: ـ آی اوْتلار، سیز نه یامان گۆجلۆ ایمیشسیز؟ اوْتلار، باشلارێنێ قالدێرێپ قارێ ننهیه باخدێلار. اۇجا بوْیلۇ، ائنلییارپاق بیر اوْت قارێ ننهیه بئله جواب وئردی: ـ یوْخ، قارێ ننه! بیز گۆجلۆ اوْلسایدێق، جئیران بیزی یئمزدی. قارێ ننه جئیرانێ تاپێپ اوْندان سوْرۇشدۇ: ـ آی جئیران، سن نه یامان گۆجلۆ ایمیشسن؟ جئیران دئدی: ـ قارێ ننه، من گۆجلۆ اوْلسایدێم، قۇرد منی یییه بیلمزدی. قارێ ننه قۇردۇن قاباغێنێ کسیپ، اوْندان سوْرۇشدۇ: ـ آی قۇرد، سن نه یامان گۆجلۆ ایمیشسن؟ قۇرد اۇزاقدان گلن بیر کندلینی، قارێیا گؤستریپ دئدی: ـ یوْخ، آی قارێ ننه! من گۆجلۆ اوْلسایدێم، باخ اوْ گلن آدام منی وۇرا بیلمزدی. قارێ، کندلینین یانێنا گلیپ اوْندان سوْرۇشدۇ: ـ آی بالا، سن نه یامان گۆجلۆ ایمیشسن؟ کندلی گۆلدۆ، سوْنرا اوْتلاقلارداکی سۆرۆلری، زمیلردهکی تاخێلێ، تارلارداکی پامبێغێ، میوهلی باغلارێ، بوْل محصۇللۇ بوْستانلارێ قارێ ننهیه گؤستریپ دئدی: ـ دۆزدۆر، قارێ ننه! بۇ دنیادا انسان هر شیءدن گۆجلۆدور. من گۆجلۆیم، آی قارێ اَکیپ، یئتیررَم دارێ. زحمت چکن ده منم یئری اَکن ده منم. تارلا منیم، باغ منیم آخار سۇ، بۇلاق منیم. بوْستانێما گلرسن قوْوۇن، قارپێز درَرسن اوْندا منیم گۆجۆمۆ قارێ ننه، بیلرسن.
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.