حاضیرلایان: #اوْلجای_مرآتی 🔸آغلار- گۆلر (قوْچ، فروردین): رویالارێزا اینانێن. اؤز باشاری و ایش- گۆجوزه دایاناراق هرزادی یوْلونا سالا بیلرسیز. حوصله ائلیین و ایلیشگیلریزی قاباغا آپارماق اۆچون بۆتون فرصتلری دڲرلندیرین. سیز آداق- آداق آماجلارێزا چاتا بیلرسیز، آنجاق بو یئتیشمکدن آرخایین اوْلون یاواش دا اوْلسا، سیز ایستیین کیمی اوْلاجاق. مادی دوروموز یاخجێلاشیب، دێشاری چێخین، بیر نفس آلێن و […]
حاضیرلایان: #اوْلجای_مرآتی 🔸آغلار- گۆلر (قوْچ، فروردین): رویالارێزا اینانێن. اؤز باشاری و ایش- گۆجوزه دایاناراق هرزادی یوْلونا سالا بیلرسیز. حوصله ائلیین و ایلیشگیلریزی قاباغا آپارماق اۆچون بۆتون فرصتلری دڲرلندیرین. سیز آداق- آداق آماجلارێزا چاتا بیلرسیز، آنجاق بو یئتیشمکدن آرخایین اوْلون یاواش دا اوْلسا، سیز ایستیین کیمی اوْلاجاق. مادی دوروموز یاخجێلاشیب، دێشاری چێخین، بیر نفس آلێن و بو دڲیشیملردن اؤز نفعیزه یارارلانێن. هرزادێن هزینهسینی نظرده توتمایاراق، اؤزۆز و چئورزدهکیلرین لذت آپارماغێ اۆچون بعضی ایشلر گؤرۆن. بعضی وئرگیلر اۆزوندن بیر ده اؤز سیاستیزدن آسێلی اوْلاراق، بو هفته سیز قازاناجاقسێز. آفرین سیزه. 🔸گۆلنآی (بۇغا، اردیبهشت): گؤزل بیر اوْرتامدێر. یاشایێشیز آرام و سئودیکلریزلرله بیرلیکده گئچمکدهدیر. اوْنلارا اؤز محبت، دویغو و آنلایێشیزی اثبات ائده بیلرسیز. بلکه روح ائشیزی تاپدێز و یا اسکی ایلیشگیلریز گۆجلندی. مالی باخێمدان آرامشه چاتاجاقسێز و صمیمی ایلیشگیلریزین گۆجلنمهسینه تانێق اوْلاجاقسێز. حیات یوْلداشێز سیزینله بیرلیکده، آیدێن گلهجڲه دوْغرو گلیر و ایش یئرینده هر کس سیزین تجربهلریزدن فایدالانێر. بو هفتهنین انرژیسیندن دۆز یارارلانێن. سیزین انرژی و اؤز گۆونجیز آلقێشا لاییقدیر، ایستهدیڲیز هر بیر زادێ اله گتیره بیلرسیز. هر کس سیزی دڲرلی بیر انسان اوْلاراق دینلهییر و حیاتێز پارلاق گۆنلرینه یاخێنلاشیر. 🔸قیزاران آی (ائکیزلر، خرداد): بو هفته اساسلێ تصمیملر توتاجاقسێز. هئچ بیرزاد سیزی دوردورا بیلمز. اوغورلارێزی گؤرۆر، اوْنلارا دوْغرو دورمادان، دایانمادان گئتمکدهسیز. اوْرتاق یاشامێزدا اوْلان ایشبیرلیک و هیمبیرلیک اوْنو گۆنو- گۆندن گؤزللدیر. بو دویغولار چوْخ گۆجلودورلر و یاشامێزا آیدێنلیق و برکت گتیرهجک. سیزین مالێ باخێمدان بیلگی و باشارێلارێز آلقێشا شایاندێر. بیر خیریه ایشه قوْل قوْیون و جمعی آماجلارێن گئرچکلنمهسیندن سئوینجه دوْلون. البته بونلارێن هامێسی بیر یانا، رقیبلریزی ده تانێیین و اوْنلارێن دا باشارێلارینا اینانێن. بو هفته سیزه نفعی اوْلان هر زاد طالعیزده گؤرۆنور. خوْش سعادتیزه. 🔸قوْرا پیشیرن (یئنگج، تیر): بو هفته ساده، طبیعی و قالێجی لذتلری داداجاقسێز. مالی و عاطفی وارلێقلاریز ثباتا چاتاجاق و ایلشگیلریز گۆجلنهجک. بو هفته تک قالمییاجاقسێز و یوْلداشلارێزلا خوْش ساعاتلار گئچیردهجکسیز. اوْرتاق یاشامێزین چتینلیکلری آزالێر و یئنی باشلادێغیز حیاتێن دادێنی چێخاریرسیز. مالی دوروموزو داها یاخجێ ایرهلی آپارماق اۆچون داها جسور و قوْرخماز اوْلماغێز گرهکدیر. اؤز سئودیکلریزی سئچین و چوْخ اوْنا- بونا فکر وئرمهیین. اوْنریلری ائشیدین و اوْنلارا عمل ائتمکدن قوْرخمایێن. بو هفته شانس سیزینلهدیر و باشلادێغیز پروژهلر اوغورلو اوْلاجاق.
قۇیرۇق دوْغان (آسلان، مرداد): بو هفته ایشلریزدن راضی گؤرۆنمورسوز آما یوْرولمادان- اوسانمادان آماجلارێزا دوْغرو گئدیرسیز. اؤز گۆونجیز آز اوْلدوغو اۆچون، یئنی پروژهلر باشلامایێن، بیلیرم اؤزۆزو سێخینتیدا گؤرمکدن یوْرولوبسوز، آما بیرآز دا دؤزمهلیسیز. یئییب- ایچمهڲیزه فکر وئرین و اسکی عادتلری ترک ائدین. بو گۆنه کیمی ائتدیڲیز یاتێریملار، بو گۆن مالێ دوروموزو دۆزلدهجک. ایش- گۆجه چوْخ انرژی قوْیورسوز، آنجاق بس اؤزل دوروموز نئجه؟ بعض فرصتلر الدن گئدیب، بعضی گؤرۆشلر اونودولوب و بعضی ایشلر قاچێریلیب، یاخجێ ایندی نهائیلهمک اوْلار؟ من بونو جوابلایێرام، درین بیر نفس چکێب، یئنیدن باشلاماق! 🔸زۇمار (باشاق، شهریور): بو هفته دویغولارێز قارێشیق دۆشوب و بو سئچیملریزی ائتگیلندیره بیلر. ثباتێز اوْلسون و اوْرتاق یاشامێزین ایستیلیڲیندن یارارلانێن. آماجلارێزا چاتماغا تلسمیرسیز و ایرهلی گلمک یئرینه، دفعهلرله گئری دؤنۆب، آرخازا باخێرسیز. اؤز گۆونجیزی سوْرغویا چکمییهنه کیمی ایشلر یوْلوندا گئده بیلر آنجاق هر زمان اؤزۆزو سوچلو بیلمک دالێ قالماغێزا سبب اوْلار. ائوده اوْلان دانێشیقلار گلهجک و پول قازانماق یوْللارێ اۆزرهدیر. اوْنلار سیزینله دردلشیر، اۆرکبیرلیک حس ائدهجکلر و بو سیزین نفعیزه اوْلاجاق. سیز اوْنلارێن یاردێمی ایله آماجلارێزا چاتماغێ باشاراجاقسێز و ایشلریزدن راضی قالاجاقسێز. 🔸خزل (ترازی، مهر): بو هفته گلیرلریزی اینجهلییب، اوْنلارێن اساسێندا یاشامێزا تصمیم توتاجاقسێز. حیات یوْلداشێزلا داها آرتێق یاخێنلاشماق و ایستکلریزه چاتماق زمانێدیر. مالی باخێمدان هزینهلریزی مدیریت ائلییه بیلمهدیڲیز اۆچون، ایندی چتینلیک چکه بیلرسیز، یوْلدان چێخماماق و آماجلارێزا اوْداقلانماقلا، یاواش- یاواش ایشلر یوْلونا دۆشه بیلر. فکرداشلێق و یوْلداشلێقدان قوْرخمایێن، دۆزدور بونلار یوْروجو اوْلوب، چالێشمالارێزی یاواشلادا بیلر، دریندن بیر نفس چکین، گئری چکیلین و هرزادا اوزاقدان بیر داها باخێن. اؤزۆزه زمان آیێرین و ایستکلریزدن بیریلرینه دانێشین. اوْلا بیلر اوْنلار سیزدن تمام- کمال اطاعت ائتمهسینلر، آما الیزدن توتوب، یاردێم ائتمکلری کسیندیر. 🔸قیروْو (عقرب، آبان): دۆزگون و خوْشا گلیم پروژهلریزی باشلایێب، سوْناوجا چاتدێرا بیلرسیز. حرفهای باخێمدان نئجه ایشلری سهمانلاماق و اؤزل باخێمدان، صمیمی بیر یاشایێش باشلانماسێنین موشتولوغونو سیزه وئره بیلهرم. حیاتیوْلداشێز گئچمیشدن چوْخ مهریبان و اێلیملی اوْلمایێب، بو سیزین یاشاما اوْلان باخێشیزین دڲیشلمهسینه گؤرهدیر. آترێق اکدیکلریزی بیچمک زمانێدیر. مالی باخێمدان هرزاد اؤز یوْلوندادێر و بیرآن دا، آماجلارێزا دوْغرو گئتمکدن یوْرولوب- اوسانمێرسیز. اؤز گۆج و انرژیزدن فایدالانێن و اۆمودسوز اوْلمایێن. یوْل نه قدر چتین اوْلسا دا، ایرهلی گئتمڲه نه لازیمدیرسه، سیزین وارێزدیر.
🔸آزر (یای ، آذر): بو هفته ایشلری آواند گؤرۆب، عینی زماندا نئچه آماجێن پێشینده اوْلاجاقسێز. گؤزلریزی آچێن و منطق اۆزره تصمیم توتون. سوبایلار ایلیشگیلرینده بیر نفرله جدی مرحلهلره چاتا بیلرلر. عصبی داورانماق، یئرسیز شۆبههلنمک و مالی دورومون پیس اوْلماسێ سیزی اوساندێرماسین! چتین گۆن هامێ اۆچون قاباغا گله بیلر، دؤزۆملو اوْلمالێسیز. شانس آداق- آداق سیزه دوْغرو گلمکدهدیر. هر زمان اؤزۆزون گۆجلو بیریسی اوْلماغێ اثبات ائتمڲه مجبور دڲیلسیز. باشلادێغیز ایشلری بیتیرین و سوْنرا دینجهلین. اؤزۆزه فرصت وئرین و بوندان آرتێق اؤزۆزو سوچلایێب، یوْرمایێن. 🔸چیلله (اوْغلاق، دی): طبیعی قرارسێزلیغیزا سوْو قوْیون و داها آغێر باشلێ داروانماغا چالێشین. انسان تکجه عائله اوْرتامێ و اؤزل یاشامێندا راحاتلێقلا داورانا بیلر. بعضی گؤزلنیلمز و البته پیس اوْلمایان اوْلایلار سیزین دنگهزی پوْزا بیلر. اؤز گۆونیز یئرینده اوْلدوغو اۆچون بیرآز آبارتێلی داورانێرسیز و بعضا لازم اوْلمایان ایشلر گؤرۆرسوز. فرصتیز اوْلدوغو مدتده یاشامدان لذت آپارێن و مالی دوروموزدا دقتلی اوْلون. آرتێق نه گلهجڲه تصمیم توتورسوز، نه ده اؤزۆزو یئرسیز یوْرورسوز. سیز آرامشه اوْداقلانێبسیز و استرسدن اوزاق گزیرسیز. سالم و اندازهسینده یئمک یئیین، آماجلارێزی واقعیت اساسێندا دۆزنلیین و گۆندم یاشامێزی سئودیڲیز کیمی قاباغا آپارێن. 🔸دوْندۇران آی (قوْوا، بهمن): اوزون مدت آغێز چالێشدیغیزدان سوْنرا، آرتێق ایستی و صمیمی ایلیشگلره سێرا چاتێبدیر. مالی و عاطفی قاێناقلاریز گۆجلنیر. بو هفته عزیزلریزین سؤزلرینی دینلهمک و ایستکلرینی اؤنمسهمک قرارێنا گلیبسیز. طالعیزدن آسێلی اوْلاراق باهالێ وسایل آلماغا ماراقلانێرسیز، آنجاق گلیر و وارلێغیز بونا تام اوْلاراق اذن وئرمیر. بو قوْنودا شانسا اینانمایێن و هرزادێ دقیق اینجهلیین و حساب- کتاب اۆزره قاباغا گئدین. یاشام طرزیزی یئمک، چالێشماق و ورزش اۆزره دۆزلدین و یئنی اؤنریلری ائشیتمڲه اۆرهڲیز گئنیش اوْلسون. گئچمیشدن درس آلێن و ائتدیڲیز خطالارێ بیر داها ائتمهیین. بلکه آرتێق یئنی بیر یوْلو باشلامالێ اوْلاسێز. 🔸بایرام (بالیقلار، اسفند): بو هفته اؤزل حیات و ایش دوروموزو یئرسیز استرسه سالێرسیز. آنجاق بیرآز ایرهلی گئتدیکجه، نه قدر شانسێن سیزینله اوْلماغێ و ایشلرین یوْلوندا گئتمهسینی گؤره بیلرسیز. دێشاری چێخین و یئنی آداملارلا گؤرۆشون. بوگۆن وارلی- کارلێ اوْماساز دا، هرزاد سیزین زنگینلشمهڲیزه آمادهدیر بو اۆزدن گلهجهڲه دوْغرو گۆجلو و ارادهلی آددێملار آتماق زمانێدیر. یوْروجو دوروملارێ، شانسێزا اوْداقلاناراق، آتلادا بیلرسیز. بو هفته یئنی باشلانقێجلار، لازم اوْلان ایلتیشیملری قورماق، اؤزل باشارێلاری تقویت ائتمک و سئودیڲیز پروژهلری باشلاماق زمانێدیر. اوغورلارێز بوْل اوْلسون.
برچسب های :
دیدگاه های ارسال شده توسط شما، پس از تایید توسط پایگاه تحلیلی و خبری آسانیوز در وب سایت منتشر خواهد شد
پیام هایی که حاوی تهمت یا افترا باشد منتشر نخواهد شد
لطفا از تایپ فینگلیش بپرهیزید. در غیر اینصورت دیدگاه شما منتشر نخواهد شد.