نتایج بیشتر...
ناغیلی تعریفلهین: اصغر خوْشاخلاق ✍یازان: #فاطمه_خوشاخلاق بیری واریدی، بیری یوْخ ایدی. آللّهدان ساوایی هئچ کیم یوْخ ایدی. چوْخ قدیم زمانلاردا وارلێ – دولتلی بیر کیشی یاشایاردی. بو کیشینین ثروتی، مالێ – مۆلکی اوْ قدر ایدی کی، ائله بیل گؤڲ آللّهیندیر، یئر اۆزو بونون. گۆنلرین بیر گۆنونده کیشی بَتر ناخوْشلاییب، یوْرقان – دؤشڲه دۆشر. هفتهلر، آیلار […]
ناغیلی تعریفلهین: اصغر خوْشاخلاق ✍یازان: #فاطمه_خوشاخلاق بیری واریدی، بیری یوْخ ایدی. آللّهدان ساوایی هئچ کیم یوْخ ایدی. چوْخ قدیم زمانلاردا وارلێ – دولتلی بیر کیشی یاشایاردی. بو کیشینین ثروتی، مالێ – مۆلکی اوْ قدر ایدی کی، ائله بیل گؤڲ آللّهیندیر، یئر اۆزو بونون. گۆنلرین بیر گۆنونده کیشی بَتر ناخوْشلاییب، یوْرقان – دؤشڲه دۆشر. هفتهلر، آیلار یاتار، اما توْختاماز. کیشی دۆشونر کی، اَجل گلیب چاتیب، اوْ اۆزدن اولادلارین چاغیریب یێغار باشینا، وصیت ائیلر: – منیم بالالاریم! اؤلۆم حقدیر، هامی بیر گۆن اؤلهجک. اؤنملی اوْلان نجۆر یاشاییب، نجۆر اؤلمکدیر. سیزه تکجه بیر وصیتیم وار. منی قبره قوْیاندا آیاغیما بیر تای جوراب گئیدیرین. – دئییب و دنیاسینی دڲیشر. بیرآز آغلاییب، سێزلایاندان سوْنرا کیشینین بؤیۆک اوْغلو دفن ایشلرینه باشلاییب. آتاسینی مردهشورخانایا آپارار. مردهشور جنازهنی یۇواندان سوْنرا اوْغلان، آتاسینین آیاغینا بیر تای جوراب گئیدیرر! مردهشورون گؤزلری تپهسینه چێخیب، تعجبله دئییر: – «بو نه ایشدیر آی بالا؟؟!!!» اوْغلان دئییر: – «آتامین وصیتیدیر.» مردهشور جورابی جنازهنین آیاغێندان چێخاردیب: «اوْلماز! اؤلۆیه کَـفندن ساوابی هئچ زاد لازیم دڲیل.» – دئییر. اوْغلان: «سنین ایشین اوْلماسین. آتامین وصیتی بؤیلهدیر.» – دئییب، تازاشدان جورابی آتاسینین آیاغینا گئیدیرر. مردهشور گؤرر اوْغلان الچکن دڲیل، اوْنونلا دا دئییشمک، سوْیوق دمیر، دؤڲمکدیر! بیرآز دۆشونوب دئییر: – «اوْلماسا گئدک بیر عالِم آدامدان سوْروشاق. اما گؤزۆم سو ایچمیر بو ایش اوْلا بیله.» خلاصه، اوْغلان و مردهشور آدلێ – سانلێ بیر عالِمین یانینا گئدیب، هرشئیی آنلاتارلار. عالِم بیرآز دۆشونوب، سوْنرا گۆلوب دئییر: – «اوْغلوم! آتاوین منظورو بودور کی، دنیا مالێ دنیادا قالاجاق. هر نه قدر مالێن مۆلکون اوْلسا دا، بیر تای جوراب بیله اوْ دنیایا آپارا بیلمزسن. #سون
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.