نتایج بیشتر...
یازان: #رسول_قدیری 🔷(یئنی یئتمهلر اۆچون حکایه) اۆچونجو بؤلۆم اوْنون اۆچون ده قاپی بۆتؤو آچیق اوْلمامالی و تاوانداکی باجا دا باسدێریمالیدیر. باجانێن باسدێریلماغینی گۆنو صاباحدان فَریکلر یئربهیئر ائتسینلر، – دئمیشدی. هر کسه بیر روْل وئریلمیشدی. خوْروزلارلا بئچهلر اؤنجه ده وۇرغولادیغیم کیمی نؤبتله دیوارلارین اۆستونده کئشیک چکمهلی و تکجه تۆلکونو گؤرن کیمی، بانلاییب تۆلکونون گلیشینی خبر وئرمهلی […]
یازان: #رسول_قدیری 🔷(یئنی یئتمهلر اۆچون حکایه) اۆچونجو بؤلۆم اوْنون اۆچون ده قاپی بۆتؤو آچیق اوْلمامالی و تاوانداکی باجا دا باسدێریمالیدیر. باجانێن باسدێریلماغینی گۆنو صاباحدان فَریکلر یئربهیئر ائتسینلر، – دئمیشدی. هر کسه بیر روْل وئریلمیشدی. خوْروزلارلا بئچهلر اؤنجه ده وۇرغولادیغیم کیمی نؤبتله دیوارلارین اۆستونده کئشیک چکمهلی و تکجه تۆلکونو گؤرن کیمی، بانلاییب تۆلکونون گلیشینی خبر وئرمهلی ایدیلر. توْیوقلارین بیری نینین قاپێسی آغزیندا تۆلکویه یئم روْلونو اوْینامالی ایدی. بو گؤرهوه ایریبود فریک کؤنۆللۆ اوْلوب، گۆلهرک – أتلی آغ بودلارێمی گؤرن هئچ تۆلکو آرخامجا گلمکدن واز کئچهمز! – دئیینجه، بۆتون نیندهکیلر قێققیلتی ایله گۆلۆشموشدولر. ایریبود فریک نینه گیرینجه باشقالارینا تای یوخاری رفه آتێلیب، آیارلانمێش یئرینده اوْتورمالی ایدی. أن خطرلی ایش، تۆلکو نینه گیرینجه قاپی آرخاسێندا گیزلنمیش خوْروزا تاپشێریلمیش گؤرهو ایدی. همین خوْروز گرک تۆلکو نینه گیرجهیین بیر داها چێخا بیلمهمهسی اۆچون قاپێنی اؤرتهیدی. اوْ ایشی ده لارێ بئچه ککهلنیب – اوْ ایشی منه بۇراخین – دئیهرک عهدهسینه آلمێشدی. کۆله بئچهنین پلانێنا گؤره، تۆلکو نینه گیریب، قاپی اؤرتۆلۆنجه تۆلکونون گؤزۆ قارانلیغا آلێشمادان غفیللَتمه ایله ایلک ضربه اوْنا وورولمالی ایدی. یعنی بۆتون یوخاری رفلرده اوْتوران نیندهکیلر تۆلکونون باشینا آتێلیب، دیمدیک و دیرناقلاری ایله اوْنون گؤزلرینی نیشان آلمالی ایدیلر. بو قوْنو دانێشیلاندا، اۇزوندیمدیک بئچه – أن آزیندان بیر گؤزۆنۆ مندن ایستهیین! – دئمیشدی. تۆلکونون گؤزلری چێخاردیلاندان سوْنرا، قوشلار رفدهکی یئرلرینه قایێتمالی ایدیلر. کۆله بئچهنین فیکرینجه، کوْر اوْلموش تۆلکو نینین ایچینه تانێش اوْلمادیغی اۆچون هم گؤزلرینین آغریسیندان، هم ده قاچاق یوْلو تاپماق اۆچون دلیجهسینه اؤزۆنۆ دیوارلارا چێرپیب اؤلدۆرهجکدی. اؤلمهسهیدی بئله، بیر آزدان جاندان – توْودان دۆشهرک سوْن ضربهنی ائندیرمَـڲه حاضیر اوْلاجاقدی. ائله دورومدا قالسایدیلار، نیندهکیلر کۆلهبئچهنین ایشارتی ایله بیر داها باشینا تؤکۆلۆب، اوْنون اۆز – گؤزۆنه سوْن ضربهلری ائندیرهرک اوْنون جان وئرمهسینه یاردیم ائدهجکدیلر… *** #آردی_وار…
نشانی ایمیل شما منتشر نخواهد شد. بخشهای موردنیاز علامتگذاری شدهاند *
دیدگاه *
نظرتان را بیان کنید
ذخیره نام، ایمیل و وبسایت من در مرورگر برای زمانی که دوباره دیدگاهی مینویسم.